إضغط على الصورة لترى مجموعة الصور الكاملة
من منكم لم يزر هذا المطعم ؟
سأختصر ..
هذا ألذ مطعم لبناني في المملكة .. لا مجال للمقارنة أصلاً بينه و بين غيره ..
أنا لا أحب الأكل اللبناني بالمناسبة .. و لكن .. هذا المطعم .. موضوع تاني ..
أعلم بوجود فرع في الرياض .. و لكن لست متأكّداً من وجود فرع في المنطقة الشرقية ..
فرع جدة بجوار إنتركوت و بيبلوس و ببلز .. و تي يانا ..
إذا زرتوه .. إطلبوا ( ضمن المقبّلات ) مقانق بدبس الرمان .. و أجنحة دجاج ..
أنا و الشلة ( ملياني و يوسف و بقية الماكيين ) نذهب لهذا المطعم كثيراً .. من أجل هذه المقبّلات أولاً .. ثم لباقي الطلبات اللذيذة ..
المطعم غير طبيعي ..
٩ من ١٠
لكن .. بما أني أحب أخصم درجات ( مدرس ديكتاتوري ) .. فسوف أخصم ..
٧ من ١٠
ليش ؟
لأن أحياناً كثيرة نروح و يكون ( قسم الشباب ) قد تحول بقدرة قادر إلى ( قسم عائلات ) أو ( إمتداد لقسم العائلات ) .. فندخل مجبرين إلى المطعم المجاور ( واتر ليمون ) و هو أحد أسوأ المطاعم في التاريخ .. و نخليه يجيب لنا المقبلات من كافيه بلان ( بعد مشاحنة طبعاً ) .. و نطلب مشروبات من واتر ليمون ( كمجرد ترضية لواتر ليمون ) .. صارت معنا ٣ مرات على أقل تقدير .. و لا أدري ما الذي يميز العائلات عن الشباب .. يعني إحنا كخّه ؟؟؟ دودو ؟؟؟
لا تنسو مشاهدة الصور .. إضغطوا على الصورة أعلاه
December 22nd, 2007 at 1:29 am
ما قد سمعت عنه عندنا في الرياض !!
بس من جد أكله ألذ من بيبلوس ؟؟؟
لأنه هذا الأخير شي رااائع .. جمييييل الله يذكره بالخير , حتى المكان رهيب ..
جعت !!
December 22nd, 2007 at 1:35 am
ذهبت لبيبلوس أكثر من مرة ..
هذا ألذ بمراحل ..
كافيه بلان أفضل من بيبلوس ..
في الرياض .. هو بجوار واتر ليمون .. إذا كنتي تعرفي مكانه ..
December 22nd, 2007 at 1:37 am
كنت ناوي اروح المطعم هاذا معاك يا بندر بس الشباب الله يهديهم خلونا نغير
المطعم..بس الظاهر راح ادخل المطعم بعد ما انضم لقائمه الماكيين
December 22nd, 2007 at 1:38 am
بن سالم
يعني إثنين في واحد ؟
الماك و المطعم ؟
December 22nd, 2007 at 1:39 am
ترى أجنحة الدجاج في هذا المطعم هي ألذ أجنحة دجاج على وجه الكرة الأرضية
December 22nd, 2007 at 1:42 am
رهييييييييب هذا المطعم
December 22nd, 2007 at 1:47 am
لو غيروا السكين حقهم حروحله
السكين زي المشرط
واللحم الأحمر كأنو ..
ولا بلاش لا يدخل الحابل في النابل
—-
أشوف أفضل تحط العنوان عن طريق قوقل إيرث بكده الكل يستفيد بالذات الي برى جدة
وممكن سؤال : ايش يشغلوا في الساوند سيستم ؟
December 22nd, 2007 at 1:50 am
توووتي
بالعافية
شدا
قاعدة تتشرّطي ؟؟؟
إيش به اللحم الأحمر .. مقانق عادية .. هيه كده لونها ..
و في المحلات التانية قد يكون لونها أسوأ ترى ..
بلاش قووقل إيرث لأن المحل في منطقة مليانة كمباوندات و بجوار السفارة الأمريكية ..
أنا ماليش دعوة !!!
December 22nd, 2007 at 1:51 am
الساوند سيستم .. يشغّلوا فيه فيروز ..
مطعم لبناني .. لازم فيروز !
December 22nd, 2007 at 1:55 am
أهم شي رضا الزباين ولا كيف
وبعدين الريش مرة سودا
والتقديم كويس لكن تزيين الأطباق محتاج شويه فن
ومن جد السكين كأنو مشرط بالله اقعد اقطع لحم بيه وآكلو!!
لا ولحم أحمر
—
قدام السفارة الأمريكية
مو يعني جهة مستشفى سليمان فقيه ؟
مسقط رأسي
وياريت تجاوبني على السؤال الساوند كيف عندهم
December 22nd, 2007 at 1:56 am
اها فيروز
شكرًا
December 22nd, 2007 at 1:58 am
شدا .. خخخخخ شكراً انك حكيتي ..
..
يعني في الرياض في التحليه … كل المطام هناك ..
بس هوّنت ماني رايحه .. شكراً شداااا
December 22nd, 2007 at 1:59 am
واااااااااااااااو
والله عالم تاني يابندر
شهيتنا الله يهديك
يعطيك العافية ياغالي
December 22nd, 2007 at 2:09 am
انا رحت فرع المطعم في الرياض … وهو في شارع التحلية
December 22nd, 2007 at 2:19 am
أنا قاعد أجيب زباين للمطعم .. و شدا قاعدة تطير الزباين من المطعم !!!
ههه ..
الريش لو دقتيها .. حتعرفي إنها أطعم ريش في الدنيا .. من جد غير طبيعية .. أنظف ريش ذقتها في حياتي .. بدون زفر ..
عندك مشكلة مع المقانق .. خلاص براحتك !!!
السكين يقطع كويس .. و هذا هو المهم ..
مو عند سليمان فقيه ( شكلك مولودة فيه ) ..
عند إنتركوت .. و واتر ليمون و تي يانا و بيبلوس .. في نفس البلوك ..
nOuf.a.s
شدا خربت عليكي المزاج ؟
أرجعي شوفي الصور ثاني .. بيرجع الإحساس بلذة الأطباق
ادهم
الله يعافيك .. تسلم ..
و بالعافية
MiLyAni
كل الرياض موجودة في شارع التحلية .. ولا كيف ؟
December 22nd, 2007 at 2:32 am
بندر مواليد سليمان فقيه مميزين بأنهم يحبوا الدواجن أكتر من اللحم الأحمر
وبعدين ما ابغى أطير الزباين بس لازم نكون واقعيين
بالله شوف الفجل كيف مقطع لما اتخلصو من الجذور تقطيعهم مش نظيف
ولا الجرجير إلي في طبق الريش ذابل
وزيتونة قشرتها ذبلانه
آخ بس وينك يا شيف رااامزي
فضيحه هادي
وترى ما أبالغ
المطعم الجيد مو بس طعم
—-
وياجماعه خلاص المطعم يجنن ومرة كويس وآخر حلاوة
ما نبغى نخرب التدوينة
December 22nd, 2007 at 2:39 am
شدا ..
أكيد فاتحة لك حساب مع الطازج دائماً طازج
ما أدري إيش أرد .. يعني قاعدة تدققي في تفاصيل متخبّية ..
الفجلة هذه .. ممتازة مقارنة بمطاعم كثيرة ..
و الجرجيرة هذه .. كويسة ما بها شي ..
و قشرة زيتونة إيه ؟؟؟
لاااااااااا تدقّقي !!!
عموماً .. ممكن مرة تروحي المطعم و تطلبي و لما يجيبوا الأكل قولي لهم الجرجيرة دبلانة و الزيتونة قشرتها مدري إيش بها ..
و نشوف إيش يسير ..
December 22nd, 2007 at 2:56 am
هههههههههههه .. بندر !!
ليتك ما قلت لي شوفي الصور … لأني رديت بالبدايه من غير ما اشوفها !
وحسبت شدا تحكي عن تجربه مو عن الصور .. .. بس الصراحه !!
ماني رايحه .. هههههههه ( لا تضرب امزح ) !!
بس متى حطيت الـ7 من 10 ما شفتها المره اللي فاتت ..
غريب انتم في جده مره شايفينكم على قولتك كخّه !!!
احنا في الرياض احنا الكخّه .. .. في المطاعم والمقاهي .. بس الأسواق العكس !
مع اني أفضل اتبادل مع الكخّات حقوننا ( حقوننا حجازي والا ؟ )
December 22nd, 2007 at 3:20 am
خلاص
سكتم بكتم
والمطعم مرة يجنن
لو سمحت ابعتلي العنوان -قوقل ايرث-
نوف
المطعم ما بو شي
وهيدي مزحه زغيري
December 22nd, 2007 at 3:29 am
nOuf.a.s
حطيت الخصم من الأول بس إنتو ما تدققو
حقوننا حجازي مزبوط ..
و ترى جدة كخة كخة .. و الرياض كشخة كشخة
Shada
بعت لك العنوان عالإيميل ..
ما يسير تحكمي ( بالجودة أو عدمها ) قبل التجربة ..
و ترى أجنحة الدجاج هية إللي عليها الكلام ..
December 22nd, 2007 at 3:47 am
هههههههههههههه
شدا انتي بصرييييية 100%
ايش هوا داا .. ماشاء الله قوة تركيز هائلة ..
ابغى العنوان والأسعار يابندر ..
حننزل جدة اليومين دي خلونا نجرب مطعم جديد ..
مررة ضروري لو سمحت ..
وعلى مسؤوليتك العيلة كلللها نازلة لو اتخرب مزاجهم مالي شغل …
December 22nd, 2007 at 4:50 am
ayaneq
أسعاره زي غيره ..
المقبلات ما بين ١٠ و ٣٠ ريال ،،
الطلبات ما بين ٣٠ و ٦٠ ريال ..
مطعم فخم يعني ..
مكانه مكتوب فوق .. بس أعيد ..
جنب بيبلوس و ببلز و تي يانا و واتر ليمون و إنتركت .. على طريق الأندلس .. بجوار الدوار إللي عنده مسجد بالقرب من قصر السلام ..
واضح ؟
December 22nd, 2007 at 4:53 am
المطعم جيد الى حد ما لكن ليس لدرجه الممتاز بالنسبه لي ،،
جربته في لبنان اكثر من مره وفي الرياض اكثر من مره ..
بالنسبه لي مطعم عبد الوهاب افضل بمراحل من كافيه بلان ، الخدمه كانت مقبوله نوعاً ما والأكل ليس بتلك الجوده التي تعودتها من الأكل اللبناني بصرحه ..
انصحك بندر بتجربة مطعم عبد الوهاب ، لا ادري اذا كان هناك فرع في جده لكن في الرياض موجود وهو في شارع التحليه بالقرب من الركن الفرنسي
يمكن اني تعودت اكل في لبنان كثير فا على شان كذا ما عجبني اكله كثير ، حبيت عبد الوهاب اكثر منه ..
المطاعم انا وياها يا بندر سالفتها طويله خصوصاً في الرياض والشرقيه
يعطيك العافيه على الموضوع والصور ..
December 22nd, 2007 at 5:26 am
حلوه الدعاية للمطعم………والصراحة اصبحت المطاعم تجذب الجميع وخاصة المطاعم اللبنانية……….وان شاء الله عافية على قلبك
December 22nd, 2007 at 7:27 am
المفروض بعد الدعاية الطويلة العريضة والدفاع المستميت عن المطعم دا يعزموك عندهم 3 وجبات لمدة 3 أيام خخخخ
December 22nd, 2007 at 10:23 am
صراحة أنا أصنفه من المطاعم القليلة جدا في الرياض اللي أكلها (لذيذ)، لكن الخدمات مش ولا بد.. وعلى مزاج الجرسون اللبناني كمان..
بس آخر نكتة أمس كنت رايحة أتقهوى فيه، بعد انقطاع لمدة طويلة.. فكنت أتفرج ع المنيو، وأقول:
ماشاء الله ما رفعوا أسعارهم مثل الناس..
لما جت القهوة، والحلى.. عرفت كيف دبروا أمورهم.. كل شي قلصوه.. كانوا يقدمون مع القهوة قطعة بسكوت.. ألغوها..
وكنافة البرتقال كانوا يقدمون معها شيرا بماءالورد .. خلوها عسل
و4 شرائح برتقال، اختفت منهم واحدة، وصاروا 3 ..
بس كويس الطعم للآن ما خصموا منه
بالمناسبة جربوا شراب desert rose
وادعوا لي
December 22nd, 2007 at 11:41 am
ممتااااز
كويس إنو في فرع في الرياض بس المشكله إنو شارع التحليه مقرف من الزحمه إللي فيه
لكن حأجربه و إن شاء الله يكون بنفس المستوى لأنو أغلب المطاعم إللي في الرياض ما يكون مستواها زي إللي في جده
شكراً على المعلومه
December 22nd, 2007 at 12:41 pm
زرت المطعم أكثر من مرة ..
أول شي وأهم ميزة فيه .. جوه هادي ورااايق ..
الأسعار معقولة مقارنة بجودة الأكل والتقديم الحلو ..
أيضاً جلساته كويسة .. ومكان العوائل فيه خصوصية مريحة ..
آخذ أخواتي معاي وأروح له كثير .. حلو ومريح ورايق ..
أذكر أخذت المقانق .. خطييييرة .. لكن ما أذكر أجنحة الدجاج … بجربها مرة ثانية ..
لكن “ووتر لمون” حلو برضو .. أنا معك إنه أقل فخامة وجمال تقديم .. وأنا أعتبره أقرب للـ”فاست فود” ..
بس جودته عالية وأكله مميز .. واللي أحلا من كذا مشروباته خطيرة ..
فرع الرياض على شارع التحلية .. بعد “كمبيو مي” يجي ع اليسار وأنت داخل التحلية من طريق العليا العام ..
و”ووتر لمون” بعده على طول ..
أيضاً بعدها فيه “بيزا أرومي” من أفضل المطاعم اللي أكلت فيها بحياتي ..
إذا ما كان الأفضل ..
زيارة أولى لمدونتك العامرة ..
ويبدو لي المكان حلو هنا ..
December 22nd, 2007 at 1:04 pm
الله يهديك يابندر على الصور, قمت اسعبل من الجوع
December 22nd, 2007 at 7:10 pm
ماقد رحته
بس ان شاء الله ازوره قريب
حمستني له
يسلمووو بندر على الموضوع
December 22nd, 2007 at 11:45 pm
احسن شي تدوينات الاكل تخلي الواحد يجوع بالمررررة
تسلم يا بندر والصور رائعة جداً
December 23rd, 2007 at 12:04 am
صدفه غريبه !
اليوم أول مره ازوره في الكويت رائــــــــع جدا …مع أني ما سمعت عنه في الرياض ابداً
اتمنى يكون بالمستوى ذاته بالرياض ….
شكراً ….
December 23rd, 2007 at 12:49 am
هادي خيانه
تلاته مرات رحتو وأنا ماني معاكم تص تص تص لا لا لا
ما يسير كدا
أرجع من السفر ونروحو لازم
—————-
لا تفتحلي سيرة عوايل وشباب عشان لا أنفجر
أنا هنا في دبي كإني في كوكب بلوتو
شايف العجب العجاب
December 23rd, 2007 at 7:46 pm
الشي إلا عجبني .. موية الورد الحاره إلا في الاخير … تحس تنظفلك بطنك مزبووط
December 24th, 2007 at 7:31 am
بندر
اليوم اكتشفت ان عندهم كبدة بدبس الرمان
على فكرة …. جاتني هدية ماحاسبوني عليها
لانهم حطوها بالغلط بدل الاجنحة
على فكرة كان معايا واحد مايحب الاجنحة … بس خرج وهوه يحبها
December 25th, 2007 at 1:01 am
و الله تدوينتك عن المطعم شوقتني زيادة عن الكلام اللي اسمعه
ابستغل مدونتك لاقدم نصيحة لوجه الله, كنا اليوم طالعين ندور مطعم ما ندري وش نبي بالضبط
دخلنا على طريق التخصصي بالرياض و نشوف مطعم اسمه (بلينك) نظامة من برى و ديكوره باين انه لبناني مودرن نفس نظام (كافيه بلان) بس الفاجعة اسعاره خرافيه جداً وصلت مواصيل مدن اوربا الكبيرة كاسعار و قائمة الطعام فيه متنوعه بشكل غير مقبول مخلط من كل دولة ايطالي لبناني و اطباق بحرية
الخدمة فيه ليست ممتازة لكنها جيده جداً
الديكور رائع للغاية
في النهاية لا انصح بتناول وجبة طعام فيه ابداً لما في الرياض من مطاعم افضل بفارق كبير و اسعار منطقية
إن شاءالله اجرب كافيه بلان قريباً واعطيكم تقييمي له
December 26th, 2007 at 2:44 pm
إن شاء الله باجربه يا بندر …. ،
ويا وييييييييييلك لو طلع مو شي …. خخخخخخخخخخخ
وفي الاخير احب اهنيك على هذه المدونة الرائعة في تعليقي الاول عليها ….. تحياتي وتقديري لك
December 30th, 2007 at 12:13 pm
Bandar,
Wallah Thank you I’ve been in Bubbles, Byblos and Teyana before. When I visited Café Planc I remember you and pray for you “God Bless You”.
tx
JeJeDJ