سوشي مية مية ولا فراخ الجمعية

أولاً .. قبل أن أخسركم و تخسروني عشان آرائنا في وجبة لا تسمن و لا تغني من جوع أصلاً ! .. أحب أقول لكم هذه الصورة البديعة تصوير المبدع يوسف رفّه .. :)

ثانياً .. خذوا هذا التصويت .. بكامل قواكم العقليّة .. قبل أن أغسل أدمغتكم .. و معداتكم !



ثالثاً .. ما في ثالثاً ! .. أعطيت السوشي هذا فرص كثيرة .. كثيرة جدّاً .. جدّاً .. و لا يريد أن يغتنمها ! .. و كل مرّة أعطيه فرصة جديدة .. يفشل فيها بجدارة ..

كل أصحابي تقريباً .. من مجانين السوشي .. لدرجة أن بعضهم وصل لدرجة صنعه في بيته و التفنن فيه .. المسألة هوس غريب .. بعض أصحابي .. مشتركين في النوادي علي شاكلة Jeddah Sushi Club .. حيث يخرجون مع مجموعة من الغرباء بهدف أكل السوشي سوياً ثم التعرف بعد ذلك .. طبعاً يسير بينهم بعد كده سوشي و ملح .. بعض أصحابي مهووس بالسوشي لدرجة أنه ذاق كل مطاعم السوشي في جدة و سافر الرياض و دبي بغرض تذوق مطاعم السوشي هناك ثم بعد ذلك .. لإنجاز ما عليه من مشاريع ! .. السوشي أهم ! ( مكالمة أتتني منذ لحظات اكتشفت فيها أني لا أبالغ ! ) .. و طبعاً كل محب للسوشي .. معدته في بطنه و لكن قلبه في اليابان أرض الآباء و الأجداد و الأمجاد السامورايية .. صدقوني هناك منهم من قد يسافر لليابان فقط لتذوق السوشي على أصوله .. لن أستغربها منهم !!!

طيب .. ما هي مشكلتي مع السوشي ؟ لماذا أعتقد أن فيه مشكلة ؟ .. ألخص في ٦ نقاط واضحة :

١- السوشي : يقدّم بارداً .. إلا إذا طلبت تسخينه .. و لكنه في الأصل لا يؤكل ساخناً ..

٢- السوشي : منت عارف هو مستوي ولا نيء ولا عالبخار ولا إيش هرجته .. يعني بارد .. و مو مستوي كمان !

٣- السوشي : ماله طعم !!! .. لا توجد بهارات مفهومة .. كلها شوية خس البحر و برسيم النهر على جرجير المستنقعات سوداء اللون على عينة ميكروسكوبية من فلفل التنين النائم .. و يزيد الطين بلّة .. صلصة الصويا التي كذب الناس على مخترعها و قالوا له : إيوه .. لذيذة !!! حتّى لا يستمر في المحاولات الفاشلة لتقليد صلصة الحمر الينبعاوية .. ما أنتهينا .. الـ Steam Rice .. إن كنت من القائلين بأن له أي طعم في الفم فأنت تتخيّل الطعم في عقلك الباطن فقط .. هو غير موجود في الحقيقة ! رز سماط !!! .. نعم السمك له طعم حتى و هو غير مستوي .. لكنه محاط بكم من العناصر الخالية من المشاعر .. سامحوني إن كان رأيي قاسياً بعض الشيء .. عندما يتعلّق الأمر بالطعام ممكن ألعب في كل شيء إلا الطعم !

٤- السوشي : غالي ! و الأكثر إضحاكاً من أنه غالي جدّاً .. أنّه يقدّم عندنا في بلادنا على أنه وجبة لرجال الأعمال الأثرياء و الشباب الأغنياء محاطاً بأجواء من الفخامة اليابانية و الخدمة الفندقيّة .. و هو أصلاً طعام شعبي !

٥- السوشي : عيّنة صغيرة ! .. لا تسمن و لا تغني من جوع .. إلا إن دفعت أكثر .. و أكثر .. خير ! .. بإمكاني إستيعاب أن السوشي مجرد ( نقنقة ) بين الوجبات .. نعم ينفع بقوة و أوافق و قد آكله كنقنقة هدفها سد الشهيّة .. ممكن .. لكن وجبة حقيقية ؟ .. مو صعبة شوية بالنسبة للسعر و الكميّة ؟

٦- السوشي : يقال أنّه صحّي .. و يقال كذلك أنّه غير صحّي أبداً ..

أحد الأشياء التي أصبحت متأكّداً منها .. أن الشباب يستمتعون بالسوشي كـ Life Style مميز أكثر من إستمتاعهم بالوجبة نفسها و بغض النظر عن طعمها .. هو شيء كوول جدّاً .. و يشعرون أنهم يابانيين عندما يأكلوه .. و نحن نبادل الشعب الياباني كل إحترام و حب .. و تقدير على رقيّه و حبّه للإنجاز و الإتقان .. حاولت كثيراً أن أكون ( كوول ) مثلهم و آكل السوشي .. لكن .. السوشي هو الذي يفشل دائماً .. صدّقوني كل مرة أدخل مطعم سوشي معهم أغفر الماضي للسوشي و أفتح صفحة جديدة .. إلى أن أتذوق وجبتي الجديدة .. لا فائدة ..

عودة سريعة للثلاث النقاط الأولى .. ( بارد / غير مستوي / ماله طعم ) .. أنا لست ضدّ هذه النقاط أبداً .. بالعكس .. أعشق تناول الجمبري و الإستكوزا بارداً جدّاً ( مع مكعبات الثلج ) نصف سواء و بدون توابل .. ( في الحقيقة هي ألذ وجبة تناولتها في أمريكا .. شكراً يوسف :) فاكر ؟ ) و لكن ما ينطبق عالجمبري و الإستكوزا لا ينطبق عالسمك .. فهذا شيء و ذاك شيء ..

كذلك .. أحب ( الكبّة النيّة ) اللبنانية .. و هي لحمة مفرومة باردة نيّة ( أو عالبخار ) .. و لكنّها متبّلة بشكل رائع .. باردة و نيّة نعم .. لكن متبّلة و لذيذة على بعضها ..

مشكلة السوشي بالنسبة لي .. أنه جمع كل المشاكل سويّاً .. بارد و نيء و ماله طعم و غالي و لا يسمن و لا يغني من جوع .. إيش بقي !!!!!

بقي .. أن أسمع منكم أنتم :)

و إختلاف الذوق لا يفسد للأكل طبخة ..


55 Responses

  1. يمدحوا مطعم طوكيو في الرياض ترى ..

    عموماً .. حتّى تكون هناك ميزة أعترف بها للسوشي .. شكله مرة حلو بصراحة و ألوانه زاهية و تحسه فريش مرة ..


  2. ما جربته ولا افكر اجربة ومستحيل اساسا افكر بالموضوع شكلة مايشهي ابداً الله يكرم النعمة ، يعني ينفع للتصوير لان بس شكل ( احس انه بلاستك ) ..
    الله يكرم النعمة ويديمها يارب ..
    بس مو لازم ان اصدقائك يبحون السوشي انت لازم تحبة حاول تحصل لك اكلة تطفشهم فيها وانك تحبها وتجبرهم ياكلون معاك زي ما انت تاكل السوشي وتعطية فرصة

    ويمكن لانك تاكل السوشي وتعطية فرصة يمكن يصير عندك محل [ البندر للسوشي المميز ] لا تستبعد شئ مافي شئ بعيد عن يد رب العالمين ..

    >> كثرت الثرثرة لان النت تعيس عندي وتفاجاءت ان المدونة انفتحت معاي قلت اطلع طاقتي :)

  3. azoz511

    اول رد واول تصويت
    انا ضده وبقوه
    الله يديم النعمه
    اللهم لا تأخذنا
    بس يجيب المغص
    اكلت منه زمان و شطبته من القائمة
    وجنني به اخوي في ماليزيا
    سوشي و ساشامي ما ادري وش اسمه الثاني
    وجيت اعشي واحد من الشباب وقالوا لي انه يحب السوشي قلت اجيب له
    ومن اول (نقنوقه) وانا بطني ماغصني
    وانا جايبه من مطعم يقولون انه الافضل
    شوقن او شاقن كل ما جاء على بالي احس بالمغص
    وهو كل بلا ياكلوا اليابانيين بناكله ؟؟
    طريقة التفكير و الابداع شيء !!!
    ونفس الواحد وما تقبل شيء ثاني!!
    الله يمغص عدوك ذكرتني بالسوشي


  4. بصراحة يا بندر انا من محبي السوشي.. لكن مو لدرجة إني اشترك في نادي ومدري إيش بالغوا أصحابك الصراحة.. وبالنسبة لي هوا لذيذ.. مدري يمكن الـ taste buds حقتي غير حقتك وحقت إلي ما يحبوه..
    وهو من ناحية غالي.. فهو غالي.. وما أدري ليش عندنا غالي.. S:


  5. قيل في مثل قديم، كل ما يعجبك… واعرف ناس لا يطيقون البيتزا… او المصوب… او لا يتخيلون انفسهم يأكلون سلطة. .. هنا في استراليا السوشي اكله شبه شعبية، يعتمد علي المكان، ولكن وقت الغذاء تشوف الناس طوابير علي محل قد محل الطعمية في الخالدية… كل واحد او واحدة ياخدولهم حبة حبتين وهو دا غداهم… بس الحبة قد شاورمة جحا… يعني تشبع.

    وبالعافية عليك
    Bon apitete


  6. هههههههههههههه

    الحمد لله أخيــــــــراً حصلت أحد يلخص كرهي للسوشي بكل بساطه و سلاسه

    و ياسلااااااام ع سلطه الحُمـــر الينبعاويه أممممم طا >> صوت أصدرته من فمي أول ما وصلت عند هذي الجزئيه :D خصوصاً اني جوعانه

    آآآآخ بس مين يجيب لي صياديه مع طحينه و حُمر

    الله يعطيك العافيه يا بندر ،،

    و السوشي مثل ما قلت ببساطه لايف ستايل و تقليعه عشان يااااي و كوووول …

    أنا ابغا آآآآآآكل ما ابغا اكون كووووول

    الى المطبخ ســـــــر

    XD

  7. samra

    ماجربته بس ناوية اجربه :)

    المشكلة في الميزانية :(

  8. N

    سلام
    كان نفسي اجربه
    لكن شفت حاجة خوفتني منه .. واحد يابني اكل سوشي واشتكى من ان راسه يالمه .. فلما راح وكشف انعملت له عمليه ، ولما فتحوا راسه لقيوا فيه دود ياكل الدماغ، فاكتشفوا ان السوشي كان فيه بيض دود.. لدرجة انه تربى في (عز ) دماغه واكل مخه خخ
    يعني ايش شي نيء ومو مطبوخ بلاش منه ..


  9. بالنسبه لي حاولت لكن ما قدرت !! الشي الاسود اللي ملفوف فيه طعمه مقرف !!
    حاولت اتهور واكل حبه كامله ما قدرت !!
    استغرب هوس البعض بالسوشي لكن بالنهايه الناس اذواق !!!!

  10. محمد عطالله

    بندر دلني على المطعم الياباني في جدة ابغ أروحو مع زوجتي
    شهيتني
    هههههههههههه

  11. toootey

    ليه كم يوم مشتهيه السوشي و اليوم كنت رايحه على سوشي يوشي بس أنشغلت و مامداني.
    أولاً الصورة مرة تشهي
    ثانياً حب السوشي مزاج يمشي على هوا ناس و مايمشي مع ناس لكن إلي مشي معاه حيمشي معاه للآخر ;)

    في جدة أحسن مكان للسوشي وكامي http://www.wakame-ksa.com
    سوشي يوشي http://www.sushiyoshionline.com
    الشرافه, الملتقى “ليلتي” و بانيهانا “مواسم”
    و في دبي أنا عن نفسي حبيت Japengo & suchi bar :)

  12. محمد

    سيء سيء سيء

    نصيحة لحد يجربة

    أذكر رحت لمطعم في الرياض قبل كم سنة (أعتقد أنه طوكيو)
    والجارسون عرف من زملاي انه أول مره أطلب سوشي..

    وأول ماجاب لي الطلب قعد على راسي ينتظرني أجربه وعلى وجهه إبتسامة عريييييضة..

    في أول لحظه دخل السوشي فيها فمي.. وبمجرد ملامسته لساني.. مخي أرسل إشارة أنه فيه شي غلط في الموضوع… ((ِِِِِ يا محمد Escape))..
    طبعاً أسكيب يا أني اطلع الأكل قدام اخوياي الي متحمسين عشاني.. أو أني أبلعه على طووول وأحاول أنه مايلامس أي خلية تذوق في اللسان..
    بعد ما أجرى مخي عدة عمليات حسابية توصلت لقرار..وبلعت اللقمه.. وشكلي متقررررف منه وحالتي حالة.. والياباني انكسر خاطره مسكين.. واخوياي ضحكوا علي..

    المهم اني في نهاية الشوط.. قلبتها على شوربة خضار.. وستيم رايس.

    بس تجربه لا تنسى :D
    والله يكرم النعمة

    P.S
    تو تذكرت مقطع لمستر بين!! حسيت انه نفففس قصتي :S
    http://www.youtube.com/watch?v=jquWO-0VkII


  13. جربته … بس ماعجبني

    يمكن مسألة تعود


  14. جربته كذا مرة في حفلات راقية (على قولك) وكل مرة أرجع من الحفلة ومعدتي ملخبطة وبتشتكي من الأكل اللي أكلته :( طبعاً أكون وقتها بآكل كنوع من المجاملة و إنه بريستيج ولازم آكل قدّام الخلق! لكني إني أروح آكله بنفسي وأمشي برجولي للمطعم مستحيــــــــــــــــــــــــــل بتاتاً البتة :D و على فكرة همّ حتى لو طلبت عندهم اللحم بيكون برضو نص استواء :|

    الأكل عندي يعني بهارات و فلفل وأكل حار ومسخّن، لو كان بارد لازم يكون الطعم قوي زي سندويتشات صب واي، عادي ناكل نحن صوص الصويا بس كمعزز للطعم مو زي اللي بياكلوه الصينيين و اليابانيين. في نفس الوقت ما يناسبني الأكل الهندي كتير لو كانت البهارات والحلبة زيادة عن اللزوم.

    لسة باقي لك تدوق الأكل التايلندي يابندر مدري عاد وقتها اش بتقول :]


  15. احبه :D

    يكفي الجلسة مع ابوطلعت وملياني عشان احبه :D


  16. السوجي شكله رائع … يصلح مزهرية صغيرة !


  17. بصراحة السوشي مثل ماذكرت شكلة مغري وتحسة شيء كووول وهذا مادفعني وبقوة لتجربته مع عملي بأن السمك غير مستوي وما إلى ذلك ..

    وعند طلبه ماقدرت أكمل اللقمة !! حتى والدي عاشق المأكولات البحرية ماشاء الله ماناسبه وجلس الصحن زي ماهوو !!

    مادري إذا كان المطعم هو السبب لا أريد الإستعجال بالحكم فأنا لم أجربة سواى مرة واحدة ..

    ولكن بشكل عام لاعتقد أنه سيناسبني كثيراً . . :)


  18. الله يكرم النعمه بغيت ارجع يوم كيته طعمه خايس

    بجد و ما فيه طعم و مثلج يا الله ما انسى طعمه للحين في فمي

    توبه اكله و لو يعطوني مليون ريال انا ماكلته برا السعوديه من شيف ياباني

    الحمد لله على النعمه بس سمك نيء و طحالب البحر ملفوف فيها

    وش حلو عليه :/


  19. ما عمري ذقتوا و كنت مصوت اني ناوي اجربه ..
    لكن ذحين لغيت الفكره تماما ..
    :)


  20. جبتها على الجرح يا بندر

    والله مرة وحدة طلبت فيها هذا المدعو سوشي من اليابان

    بعدها كرهت المطعم والسوق وكرهت عقلي اللي خلاني أفكر في حاجة زي كده

    بس المشكلة إني عندي عادة الله أعلم هي طيبة ولا بطالة

    وهي إني أكل كل شيء أشتريته ولا أرميه

    فأكلت هذا السوشي زي الدواء

    يد على الخشم ويد تدفه في الفم
    والبلع وحدة مرة
    يا ساتر من طعمه

    لكن سبحان الله

    لولا إختلاف الأذواق لبارت السلع

  21. عدنان يتحدي المخاطر

    لايسمن ولا يغني من جوع.
    حاولت اجربه لكني لا استسيغه..حرام..وجبه اطفال من مالكدونالدز تشبع اكثر منه..واشهى.

    برايي الاكل الشرقي لا يعلي عليه.
    انا بصراحه لما آكل رز ولحم علي الغدا..واختمها بكوب لبن اكتيفيا.احس اني فاهم الدنيا صح. اما لبن المراعي..يخلي الواحد يدخل في غيبوبه.


  22. أنا اليوم رايح الرياض و إن شاء الله أول مطعم راح يكون طوكيو بدون تفكييييييييييييييييييييييير.

    ياسلام على السكالوب سوشي مع طبق أوناقي في البونتو بوكس و تعال دورلييييييي!!!


  23. قد ذقته مو لذيذ ولا انك ما تستسيغه طعمه عادي :D


  24. لم أجربه
    ولكن أنوي تجربته

    يعجبني كثيراً منظره السوشي
    فالعين تأكل قبل الفم أحياناً


  25. لسه امس رحت سوشي يوشي!
    مشكلة السوشي الوحيدة انه لازم يتاكل مع الوسابي الممزوج في صلصة الصويا
    فاللي عنده مشكله مع البهارات القوية ما يقدر يتحمل
    اما انه يتاكل السوشي لحاله فعلى قولتك يصير بلا طعم
    بعدين اللي يبغى يجرب السوشي لاول مرة لا يخاطر و يطلب الانواع الجريئة
    اطلب سوشي بالجمبري او كاليفورنيا (خضار) او بالكابوريا


  26. ههههههههههه

    جبتها في الألم .. وانا اوافق وبشدة على كل نقاطك ..
    السوشي أحيانا نفس الواحد تهف عليه .. بس مو لدرجة إني اسافر عشان اجرب ..
    على العموم .. المعجون الأخضر اللي يتقدم مع السوشي wasabi
    لا أحد يتهور ويجرب منه كمية كبيرة .. والا راح تلاقي رأسك طار وضرب في السقف ورجع مكانه .. شكرا


  27. لم أجربها وسأجربها لأني أهوى التجربة للتجربة.

    جالست عشاقاً للسوشي يتغنّون بها هياماً وعشقاً، ولهذا أتفهم تحرزك وتخوفك من جرح مشاعرهم في التدوينة :) .


  28. جربته وما يستاهل ..
    بس أانا أكلت سوشي نباتي .. لأأن مااقدر أكل شي نيء أبداً ..
    وأكلته بس عشان أتطمن أنه مافاتني شي ..
    مهما كان هالشي من أصناف اللحوم لازم يكون مستوي ..


  29. بندر :( طوكيو مقفل يوم الجمعة، لااااااااااااااااااااااااااااا!!!!!


  30. نفسي محبين السوشي يجربوا :
    محشي الخس ، ومو أي خس
    لازم يكون خس المدينة
    طعمه اللذيذ ما يخطر عالبال ، بس الناس مشغولين بورق العنب وبالسوشي ..
    أخويا الصغير يحب السوشي بس انا تاركته براحته لاني أفرح لما أشوف الأطفال يفضلوا أكله صحية ..

  31. walid زعناشقه

    من اروع واروق الاكلات الي اكلتها بس سعرها غالي. في ماليزيا سعرها مقبول وانواع واشكال كثيرة مرة ، بس حكاية الدوود الي بياكل سمعتها كم مرة اظن الوسابي يقتل الجراثيم الموجودة في السمك. اظن خلاص ماني اكلو مرة ثانية.بس الناس والعالم كلو بياكلها في كندا وفي فانكوفر محلات السوشي زي الشاورما هنا . مرة اخذت واحد معايا مطعم السوشي ما قدر يكمل من اول لقمة وطلعها. اما أول واحد عرفني عليها الاكلة دي ولد خالي شادي . وكانت تجربة رائعة وصرت ازرف الدموع ومن بعدها صارت الاكلة رقم واحد. السوشي ظريف كمان هو ما ليه طعم بس كل نوع سمكة موجودة فيه ليها طعم، كمان مخلل الزنجبيل والصويا صوص للملوحة والوسابي حرارة الفجل، اما القشرة الملفوفة حول الارز فهي النوري وهذا النوري طحلب البحر هشة اممم. اما احسن محل في جدة فهو
    http://www.sushiyoshionline.com
    في فرع مطعم السوشي يوشي الروضة يقدم اطباق ساخنة. جرب المعكرونة الياباني فهي سميكة وصوصها حريف مرره.

  32. وليد بخاري

    المعذرة الاسم انكتب غلط ! وشكراً على موضوعك الشيق بندر. اتمنى انك ترد علي رسائلي.


  33. انا من الناس الي يحبون يجربوا الاكلات الجديدة اي شي
    وبصراحة اكلت السوشيو في احسن مطعم سوشي في جدة وهو سوشي يوشي

    عادي – حلو – غريب كلمات تقولها بعد اكلك لها
    شهيتني

    تحياتي لك
    بندر


  34. انا كنت افكر اجربه بس يوم قال اخوي ان اخوياه منهبلين برا سوشي وسوشي وقال لي اخوي انه ما ينبلع !

    وبعد تدوينتك ذي تخيل أجربه :p


  35. والله يابندر السوشي حاجه لذيذة .. بس مش كل انواعها .. ولا لدرجة انها تستاهل انك تتعنى لها ..
    يعني مره كل 3 شهور تروح مطعم ياباني .. تتذوق السوشي .. حاجة حلوة ..
    انا لي تجربه لذيذة مع مطعم فوشي – بالراشد في الخبر ..

  36. محمد بستكي

    والله ما جربته و ناوي أجربه، لكن بعد سالفة الدودة اللي دخلت مخ الياباني بسبة البيض اللي كان في السوشي حسب ما قال الأخ N، ما أدري كأني ما راح أقرب صوبه!

  37. خالد

    السلام عليكم اخوي بندر ..
    بداية .. خليني احكيلك قصتي مع السوشي ..
    كانت بدايتي معاه مجرد فضول .. ابي اذوق (( الشي هذا)) اللي يسمونه سوشي .. وكانت التجربه من ((فود كورت)) لا يخفاك انه اول شي سويته بعد ما اكلت اول حبه .. اني ارمي الباقي في الزباله ..

    لكن !!! وركز لي على النقطه هذي ..

    انتقلت الى امريكا .. واول ما وصلت استقبلني احد الاصدقاء العزيزين على قلبي .. وقالي وش رايك نتغدى سوشي ؟
    اول رد كان (( لاااااااااااااا الله يكرم النعمه))
    اخذني له << مكره اخاك لا بطل
    وخلاني اجرب نوعيات مطبوخه .. مقليه .. و لذيييييييييييييييييييذه
    غير نظرتي و موقفي من السوشي ..
    وبيني وبينك في امريكا سعره طبيعي << عشان كذا مبسوط ومستعد استغني عنه في السعوديه

    عموما في المره الجايه ( اذا بتعطيه فرصه اخيره) جرب المقلي وجرب التونه .. وفيه اذا يضايقك كل هذا .. (سوشي دجاج)

    صدقني المره هذا .. لا ندم

  38. R.Murad

    صح السوشي نوعآ ما غالي وما أعتبره وجبة مشبعة، لكن لذيذ.
    جرب سوشي الاخطبوط Tako Sushi و إيبي تين ماكي Ebi Ten Maki من وكامي http://www.wakame-ksa.com و إن شاء الله تغير رأيك :)

  39. حسن

    صباح الخير …
    عن نفسي انا من النوع اللي احب اجرب اي شي جديد ..
    بس السوشي لااسم ارتحت له ولا شكل … وتقول بعد غالي ؟؟؟
    كملت الشغلة ….
    يازين المعصوب …!!!!!


  40. الله يكرم النعمه

    :)

    عوافي على اللي يحبوهـ

  41. o T h M a N

    ص
    ر
    ا
    ح
    ة
    شهيتنا
    وفي نفس الوقت
    سديت شهيتنا

  42. لؤي الشريف

    باختصار شكله حلو لكن طعمه لا

    <<< متعقد من المأكولات البحرية من وهوا صغير

  43. Ahmed AL-Hussany

    الله يديم النعمة بس ما حبيته ابداً جربته مره واحدة كان يقدم كمقبلات في احد الحفلات واقبلت عليه لسماعي الكثير والكثر عنه لكن ما ان وضعت اللقمة في فمي وما استطعت اكمالها (الله يعزكم على الحمام علطول).


  44. كلام سليم، مين يحب السوشي؟. لو فيه خير كان ماسموه سوشي أصلا :)


  45. صحيح شكله حلو والوانه خطيره
    وينفع مررره للتصوير ..

    بس شي مو مستوي مستحيل آكله .. O_o

    الله يكرم النعمه ويخلي البتاعات لاهلها .. (:

    شكـراً بندر ..


  46. بما أن أصْحابـُك على الشَّـاكلة التي ذكرتـَها فإنِّي أرحمُهم .!

    فقط و لكونِي من محبـَّة السُّوشِي .,
    لدينا مطعـَم في الكويـتْ اسمَـه ” maki ” ., مَطعم لا يضَاهى فِي عمل السـوشي ., كذلك بامْكانك طلب سوشي عـَلى وصْفتـك و بعد ذلك يسمَّى بك و يضَافْ الى قائمَة الطَّـعام لديـْهم .,

    Focus ممتـاز في التقـاط الصُّـورة ,.


  47. موضوع طرح باسلوب جميل ، يقف بين الجديه والمرح طارحا اسئلة متعدده وراصدا اختلافات حقيقيه ويلقي بعض التهم في ان محبيه يسعوون لان يكونوا كووول وانه به بعض التظاهر والادعاء وهذا اراه في وجوه من يبتلعونه على مضض وياكلون اي نوع ولا يهمهم الجوده بقدر ما يهمهم ان يكونوا مثار لفت النظر على المائده الواد اللي طلب سوشي مختلف وواصل ومطلع علما انه قد لا يفقه اسماء الاصناف ولا انواعها ولا اشكالها ، لكن تظل هناك نوعية ياكلونه لانهم يحبون بعيونهم عبر شكله الجميل ويشتهون طعمه ويطيب لهم تركيبة الصويا صوص مع المعجون الاخضر الحار ( ماسترد / واسابي ) ويوزنه مع الصويا ويحركه ، هذه الممارسه التي تعد جزء من عملية الاكل تضيف بهجة لبعض متناوليه ممن يحبون طعمه .
    عن نفسي اتناوله واعده صنف طعام لذيذ ويشتاق له الانسان بين وقت وآخر لكن لا يعد وجبه تؤكل يوميا حتى في اليابان لا يفعلون ذلك فهو مجرد صنف والمائده اليابانيه حافلة باصناف اخرى عديده ، وهو قد يكون اكله شعبيه تجدها في اي سوبر ماركت في وبسعر زهيد اوتجده في ارقى مطعم وبسعر غالي ويعود هذا بالطبع لطرق التقديم وجودة الطعام نفسه والى اي مدى هذا السمك المقدم طازج ومن اعده و امور عديده تجعل سعره يختلف من مكان لآخر .
    اقر اني اكل بعض اصناف السوشي وليس كلها ، واقر ان موضوعك حمسني ان اضيف لاحقا وفي يوم ما موضوع عن بعض انواع الاكل الياباني .
    احببت موضوعك جدا كما احببت الصورة الملتقطه بعين فنيه ، اليس شكله جميل فعلا ؟

  48. رشيد

    الذ و اجود و اصح الاكلات

    مع السوشي الى الأخير

  49. محمد عطاالله

    جربته سئ للغاية

    أكل بساس

    طبخي ألذ منه

    وشكراً جزيلاً

  50. الهنوف

    يعطيك العافيه على الموضوع

    ماقد جربته اتمنى اني اجربه بس لما اروح واصل المحل اتردد وارجع

    مره في المملكه موول كنت راح اخذه مابيني وبينه الا اني ادفع الحساب بس المحاسب كان يطالعني بنص عين ويقول متأكده تبغينه ؟
    اكيد؟هو سمك نئ.؟؟حسبي الله عليه كرهني فيه وترددت ولا اخذته

    بس اتمنى اني اجربه علما اني ماحب المغامره اتردد كثير بس اتمنى من جد لما اجربه يكون معي احد يشجعني واحبه وتصير بينا الفة ومحبه ….

    يعطيك العافيه على الموضوع

  51. Suha

    ذا يوشي مش سوشي :)
    وبالعااافيه

  52. العبسي

    السوشي من المأكولات التي لا يمكن أن تستسيغها من أول مرة فعندما تأكله في المره الاولى قد تشعر بالرغبه في التقيأ وتسخر ممن يأكله ولكن بعد أن تأكله عدة مرات سرعان ما تتعود عليه وقد تصبح أكلتك المفضله. أما كونه بارداً ونيئاً وغير شهي فليس بالضروره أن يكون الطعام حاراً حتى تستسيغه وأما مونه نياً فكويس أنه ما في تعب فقط تجيب سمك وأرز وتأكل وبعدين السوشي الحلاوه فيه انه سمك وأنواع من الحبار والاخطبوط والسرطان البحري ذات القيمة الغذائية العالية.


  53. والله هالسوشي اسمع عنه كثير واشوف مطاعمه بس ماقد جربته :)
    انا احب المطاعم الأمريكية ! بس ان شاء الله نمر مطعم ياياني ونشوف هالسوشي اللي ازعجونا به !

    طرح تدويني جميل :)

  54. عبدالإله

    عني ، لما أدخل تموينات أبحث عن أغرب مشروب وبسم الله :)
    يعني التجربة بالنسبة لي حاجة حلوة ، السوشي حصل معاه نفس الفكرة ، لما مريت قريب من مطعم سوشي يوشي بالرياض قلت مافيها كلام نجربه ، لكن النتيجة :S

  55. dode

    ههههههههههههههههههههاي دخلت بالصدفه
    وانا كاتبه بقوقل سؤال عن الكبه النيه
    وطبيت بمدونتك
    انت كنت ماشي كويس لدرجة من خلال وصفك للسوشي حبيتك وقررت اتزوجك ورتبت الموضوع مع اهلي وحجزنا القاعه
    لكن صابتنا عين ماصلت على النبي وانا وانت محسودين على قولة البدر
    لقيتك كاتب انك تاكل كبه نيه اللي هي اساسا موضوعي الاساسي
    شلون تاكل لحم ماانطبخ؟؟؟؟!!!!!!!!!!!!!!!
    خلاص خذ معاك بهارات المره الجايه وغرق السوشي وصحتين على البك
    لان الكبه النيه بنت عم السوشي وكله اكل ماانطبخ
    السوشي الشخص هذا مستحيل بيوم اصاحبه ولا اكله او اعطيه رقمي لانه شخص من شكله مبينه اخلاقه هههههههههههههه

و إيه رأيك في الموضوع ؟

Comments will be sent to the moderation queue.