هيييييه .. و يقولوا .. الحريم يبغوا يسوقوا !!!

أي أنثى لو جربت قيادة السيارة لربع ساعة في شوارعنا ( لا أقصد خارج المدن .. بل داخلها ) لأصابها غثيان البر و دوار البحر معاً .. الشوارع مضروبة .. و الناس حولك أكثرها في سباق رالي للطرق الغير معبّدة .. يعني بإختصار .. حلاوة طحينية ..

أفكر جدّياً بإحضار سائق ! .. أنا بحاجة لبعض الراحة و الوقت كذلك .. و الوقت المهدر في القيادة أكبر مما تتخيل !

أحد أصحابي سبقني منذ سنوات .. و رغم أنه أعزب .. و رغم أنه أصغر مني .. عنده سائق و مية مية .. يجلس في المقعد الخلفي بكل بحبحة يتابع أعماله في المشاوير .. يااااااااااه .. راحة ! .. ما شاء الله .. مدلع نفسه مرة الأخ !

كنت مولعاً بالسيارات أيام المدرسة .. لأني كنت بدون سيارة ربّما .. لأني لم أجرب السواقة اليومية في هذه البلد .. الآن و بعد أن جربتها .. عرفت حقيقة ( البنية التحتية ) الغير موجودة أصلاً …. قبل أن أملك سيارة كانت شوارع جدة بالنسبة لي .. عادية أو أقل قليلاً .. بعد أن إمتلكت سيارة .. من أول أسبوع .. عرفت أن شوارع جدة موجودة على خرائط قووقل فقط ! .. بالمختصر .. أنا الآن في قمة كرهي للسيارات و الشوارع بكل أشكالها !

أقل مشوار الآن ياخذ نصف ساعة إلى ساعة إلّا ربع .. البلد صارت زحمة بزيادة !!! و الناس صارت مستعجلة بزيادة كمان !

السواقة تحتاج لتركيز كبير .. و أعصاب .. و هدوء .. و أخلاق سعوديّة .. و إنتباه للدوريات .. و إنتباه للمطبات و الحفر .. و إنتباه للإشارات إللي ما تشتغل .. و إنتباه لحالة الطقس .. و إحذر – تسلم .. و إنتباه للحفريات و الشوارع المسدودة .. و إنتباه للخلق إللي مو عارفة تسوق حولك .. و حاول تلقنهم درس عالسريع إذا أمكن .. و إنتبه لعدادات السيارة و البنزين و مدري إيه .. و حرارة المكينة ! .. و أنتبه لصفائح الحديد المزروعة وسط التقاطعات ! ( هذا إختراع سعودي جديد ) .. و عليك الإنتباه للسيارات إللي عاكسة الشارع .. و أنتبه لا تطيح عليك سيارة من فوق الكوبري فجأة ! .. و إنتباه للناس إللي تقطع الشارع .. و إنتباه للبساس الهبلة إللي مو عارفة تقرر مصيرها .. و السيارات إللي توقف وسط الشارع مرة عادي كأنه شارع أبوها ! .. غير الليموزينات و التكاسي إللي توقف فجأة للزبائن .. و أنتبه من البلوتوث في الإشارة ! .. و إنتباه للصبّات و البلكّات الإسمنتية المتناثرة حول المرافق و تضيق عليك الطريق ! .. و الناس إللي بتبني بيوتها و أوساخها و أسياخها و خشبها و مساميرها في الشارع بلا مبالاة .. و السيارات الفخمة إللي تقطع الإشارات !! .. و البلاليع وسط الشارع !! و الناس إللي تبغى تطارح !! .. و الباعة المتجولين .. و أنتبه من فوز الفريق المحلّي فشوارع مدينتك ستتحول إلى ملاهي .. و إنتبه من السيارة إللي جنبك في الإشارة لأن ( عنتر ) يتوهم إنك تطالع في ( عبلته ) و يطالع فيك بنص عين و يتربص بك الدوائر .. و أنتبه من إللي في أقصى اليمين و يبغى ياخذ U-Turn !!! .. و إنتباه من إللي مو عارف يبغى يلف ولا لأ ! و إنتباه لمن بداخل و خارج و حول و فوق الدوّار .. و كاميرات المرور و كاميرات الهيئة و رادار المدري إيه و القمر الصناعي فوقك و الليزر الأخضر و .. و .. بس خلااااااااااااااااص !!!! كفاااااية !!!

و مع كل هذه الفوضى .. تأتي الفوضى الإعلانيّة في شوارع السعودية بشكل يصيبك بالحول الأفقي المغناطيسي .. كل شيء عليه إعلانات الدنيا ! .. تبحث عيني عن الإشارة فأرى إعلان أبو نايف لشراء الأثاث المستعمل .. أحاول البحث عن علامة ممنوع أو مسموع الدوران لأرى إعلان أبو نايف لشراء الأثاث المستعمل تاني .. إشارات المرور الفرعيّة عليها إعلانات المدرسين الخصوصيين للمرحلتين المتوسطة و الثانوية .. هذا غير الإعلانات الـ( مصرمح بها ) على الـموبي و الـbillboards .. و الإعلانات أبو أربعة مربعات بينهم فراغات و أطرافها مصديّة عند الإشاره برضو .. و كل هذه الفوضى و التلوث البصري الـ لا نهائي .. المسألة زادت عن حدها .. و كيف أرى الطريق وسط هذه الفوضى ! .. هوه فين الشارع دا !

عندما أتزوج بإذن الله تعالى .. و يسمح للمرأة بالقيادة .. سأترك مقعد السائق لها .. بينما أتابع تويتر و يوتوب من الـiPhone .. و أزعجها بين الحين و الحين صارخاً : مطب ! .. أنتبهييييييي !! .. هييييه حفرة .. إنتي ما تشوفي !!!!! … و .. دورية ! دورية !! .. هدّى بسرعة و أرفعي رجلك عن الفرامل قبل ما تعديه !!!

إذا حصل يا بنات حواء .. و سمحوا لكم بالسواقة .. و ذقتوا كل الهم إللي مكتوب فوق :
! Just remember that .. you asked for it

49 Responses

  1. فعلا يا بندر … فوضى وتلوث سمعي وبصري ،،،

    الإشكالية الكبيرة …. حصول هذه الأمور في ثاني اهم/اكبر … الخ مدينة في السعودية ….يعني هذا غيض من فيض.

    مع التحية … وجدة غير ،،،


  2. أنا يومياً أمشي رايح جاي 200 كيلومتر مابين مكة وجدة ، فالمعاناة ليست في جدة وحدها بل في مكة أسوأ وأسوأ بسبب حمى الحفريات ، والمنتشرة تقريباً في كل شوارع مكة عظمها الله.

    وعموماً أنا صار عندي مناعة ضد الزحمة والمطبات والتلوثات ، لأن الأعصاب عندي صارت بدون أي إحساس .


  3. “إنتباه للبساس الهبلة إللي مو عارفة تقرر مصيرها”
    (rofl)


  4. صدقني مع سواقه سواقيننا الملكية نحن منتبهين لجميع ما ذُكِر في تدوينتك :(  


  5. ارى بندر يسوق لبرنامجه القادم بطريقة استيف جوبز :)
    شكله الاي فون حيبقى سائق آلي في النهاية !!

    امزح فقط لكن هذه المقالة ذكرتني الايقونات المعروضة لبرنامجك القادم .. موفق ان شاء الله


  6. بالنسبة لي سأستفيد من قيادة الفتاة ..
    فأنا اتمنى ان يكون لي سيارة خاصة وبسائقة ^^ ..
    وبالتاكيد ان اقراء شيء او اطلع على احد مشاريعي سيكون افضل من القيادة و عور الراس :)

    تدوينة جميلة .. شكرا بندر


  7. آخ لو بس شوارعنا مثل شوارع أمريكا و بريطانيا! هني تحس بحلاوة السواقة!! يعني بالكويتي “لي حجت البقر على قرونها”!!!

    عموماً أنا توني بادي أسوق صارلي كم شهر فشوي شوي علينا!!


  8. خخخخ..تدوينة طريفة.. :)
    قيادة المراة للسيارة في أي دولة بهذا الكون ليست تلك المشكلة الكبيرة والعظمى التي ابتدعها الناس هنا..
    في مصر شاهدت المنقبة وهي تقود وبكل احتراف وفن..
    لا أدري لماذا نخلق مشاكل عن أمور لا تستحق أبدا..

  9. ibrahim Ramadah

    هههههههههههههه

    ige… سبقني اجل مو عارفه تقرر مصيرها :)

    يا رجل انا زرت جدة فتره اسبوع والحمدلله انه صاحبي اللي كان دائما يسوق !!! الشوارع اللي عندكم بلاوي زرقا

    احس ان الحفر اللي عندكم مقصوده، تحس حالك داخل لعبه ولا تدخل في الحفره بيطلع واحد منها ويقولك
    :)
    Game Over


  10. ههههههههههه ..
    استنى بعد اذا بدينا نسوق ان شاء الله بتزيد على الموضوع بلاوي أكثر .. !


  11. خخخخخخخ حلوووة
    Just remember that .. you asked for it

    الله المعين…نفس الفلم عندنا في الشرقية…ولا عاد الدمام !
    لو كل تحويلة يعطوك ريال كان صرت اغنى واحد في العالم


  12. هههههههههههههههههههه

    والله كل كلامك صح .. خاصة حكاية الليموزينات .. ترى مرتين اسوي حادث بسببهم .. والمصيبة تتفاداه الين تصك على واحد .. لان صاحب الليموزين بسلامته مو شايفك .. وتسوي الحادث والرجال ما درى عنك ..

    والمصيبة مرة واحد صك علي .. لحقته وهو يهرب الين انحشر .. ويطلع شاب سعودي .. يقول ياخي اسف …. ما حد يغلط .. قلت له طيب ياخي اقل شي شوف .. ما شفت غلطت اشر بايدك اعتذر سوي شي .. تصكصك على خلق الله وتجي ما شي .. لو سويت انا حادث مثلاًً بسببك .. وانت ماسك خطك ولا انت داري عني .. الغلط يجي على مين ؟؟!!

    بجد اذا البنات ساقوا رحنا فيها .. اهم شي محطة فلونا اللي حتفك في طريق المدينة .. اللي فيها ورشة لميس بلوحتها الوردية

  13. اهبل

    بعد مايسوقو الحريم يمكن راح تضيف:

    “والهبلا اللي جالسه تحط مكياجها ومو هامها الاشاره ولعت والا لا”

    هههههههه


  14. ياللنذالة!
    ،،
    بس للجد، البلد بحاجة لطرق تسمح بالمشي، ولمواصلات عامة أكثر حيوية..
    والله المواصلات العامة توفر كثير على البشر..
    كان يمر بشارعنا باص يروح الحرم، كنا كل أسبوع نروح الحرم، ونستخدمه للمدرسة أحيانًا..
    الحين الوضع مرة متعب لما ما صار يمر بشارعنا ..!

  15. o T h M a N

    الله لا يقدر


  16. هههههههههههههه , إي والله معك حق يابندر , هي المشكلة صايرة بكل السعودية يمكن ماعدا مدينة الخبر … وباقي المدن متل جدة وأسوأ .. الله يكون بالعون :) . مبروووك مقدماً على الزواج .. :D .

    أدهم


  17. تبي ترتاح .. تعال الجبيل الصناعية ..مدينة صغيره .. الاشارات الكترونيه .. شوارع مرتبه والصيانه عليها بشكل دائم .. مافيها حفر .. والمطبات سلسه .. وكل حاجه قريبه منك .. يعني ابعد مشوار ممكن تشيل همه 10 دقائق ..
    على الاقل اضمن لك خمس الى عشر سنوات من الراحه في القيادة .. وبعدها ممكن يصير مصيرها زي جده وباقي مدن المملكه ..

    ساعتها يصير مالك الا السواق :D


  18. و اللي يأشروا يسار و يدخلوا يمين, كلمات متقاطعة ما صارت اشارة!

    الحمدلله غاسل يدي للآن و ما طلعت سيارة :D


  19. السوّاق .. أحسن شيء أيام الإختبارات !! خصوصاً لما مشوارك للجامعة حوالي الساعة !

    لا تنسى إن مافيه مكالمات ولا SMS ولا مطالع على يمين و يسار بحثاً عن محل أو سوق توّه فاتح!!


  20. يبغى لك تعيش في مدينه صغيره .. مثل الجبيل الصناعية ..

    اشارات بحساس الكتروني .. شوارع مرتبه والصيانه عليها بشكل دائم وتتم خلال وقت قياسي .. المطبات سلسله .. الشجر بكل محل والاعلانات مرتبه بالتالي مافي اي تلوث بصري .. واهم مافي الموضوع ان ابعد مشوار ممكن توصل له بعشر دقائق فقط ..

    هالكلام اضمنه لك لفتره من بين خمس الى عشر سنوات .. وبعدها بيصير حالها زي باقي المدن ..

    وقتها يصير مالك حل الا السواق .. او سواقه لانه بتكون اوسع بال .. :D


  21. باقي في بنت لها نية تسوق بعد كلامك هذا.. ههههههه :)


  22. هههههههههههههههههههههههههههه
    الله يسعدك يابندر .. والله ضحكت ضحك مو طبيعي خصوصاً سالفة الصفائح الحديديه وعنتر حبيب عبله :D

    فكرة السائق جداً جميله ومريحه .. بس احرص على سواق منتبه لكل هالاشياء اللي قلت :)


  23. هههههههههههههههههه

    والله العظيم أكثر تدوينة ضحكتني من ٣ شهور تقريبا …

    بجدددد شر البلية ما يضحك ……

    الله يكفينا بلاوي اليوم اللي يسمحون فيه للحريم يسوقون ..

    انا قرفانه حياتي من الشارع و من الوصول لدوامي متأخر بسبب الحفر و المطبات و السيارات و قرفانه من سيره سواقه الحريم و من الموشحات اليوميه اللي اسمعها ع الرايحه و الجايه لن شاء الله تسوقون و نرتاح من الشارع و قرفه !!
    O_o
    انا ولا افكر بلحظه اني اسوق .. ابغا اتمتع بصحتي ما ابغا السكر و الضغط يجوني من بدري !

    >>> ممكن اتعلمها من باب المهاره لا اكثر

    يازيييييني و انا جالسه ورى معززه مكرمه <<< شرط محد يصرخ و ينفخ .. ترى كلنا بشر و لنا احتياجات !

    اذا كنت في نعمه فارعها .. فعلا انا احس نفسي الان في نعمه

    بندر شكرا على ذي الفضفضه

    :)


  24. انت حطيت يدك عالجرح واللي يقول كلام غير كذا فيا أنو ما يسوق او أنه آبعد مشوار ما يتعدى الحي تبعو

    أحنا كطلاب جامعه نسأل الله أنه يخارجنا و نشوف الموت كل يوم في الخط السريع أصبح رسميا الطالب ينزل محاضرة بعد الساعة تسعه وقبل الساعه تسعة ونصف لأنو الساعة ثمنية الخط واقف وبنسبة تسعين في المية راح تتأخر عن المحاضرة وبعد الساعة تسعه ونصف يتم اطلاق الشاحنات الكبيرة في الخط السريع

    سرنا نتوتر نفسيا والوالدة تدعي كل يوم يارب ترجع سليم

    انا عن نفسي لو في اي وسيلة نقل بديلة وما تأخرني عن الوصول لأي مكان راح اكون اول انسان يتخلى عن القيادة

    وفكرة السواق ألييييمة أحس الموضوع هذا للجميع فش خلق لا أكثر


  25. على قول toootey
    احنا (أو الأغلبية مننا) منتبهين وعايشين الوضع .. اللهم إننا في المقعد الخلفي …
    وعاد انتا تحت رحمة مزاج السواق ونفسيته الجميلة ..
    وإلا يهددك انو راح يسيب الشغل وتعيش بهدله كم شهر الين يجي التاني ..
    هنا الفرق .. فيه فرق ان الـ environment تكون مزعجة
    وفيه فرق لما الوضع يكون double
    environment+driver
    حتى لما تسوق انتا بعينك تشوف المطب .. فعلى الأقل تنتبهلو
    مو تكون مسترخي في المقعد الخلفي وأخونا السواق فجأه هباااااااااااا
    وتقفز قفزة رهيبة .. خلاص ما حكمل
    البنات عارفين وفاهمين ..
    وعلى فكرة كثير مننا منتظرين القرار مو عشان نسوق .. عشان نجيب سواقة-سائقة أو الخدامة – المساعدة .. انثى ماتضايقنا ولاتبصبص ولاتستغلنا ..
    حاجة تقرف واللهي .. وفاهمه كلامك كله . في الآخر السواقه هنا شي مايحمس ويسد النفس .. ويوتر .. والله يكون في عون الجميع ..


  26. معليش..راضين بالهم ! (:


  27. اااااه موضوعك حرك الاشجان في قلبي…

    في حفرة قريبه من البيت .. يمكن اكلها مرتين الى 3 مرات في الاسبوع وانا رايح الدوام .. نفسي والله تتصلح …

    والاسوأ .. الحفرة الموجوده قدام فندق موفينبيك طريق المدينة الطالع وانت خارج من الخدمات للطريق العاااااااام … شئ يفقع المرارة ..

    حتى الحوامل .. ما انصحهم يروحو الممشي والا سور الحوامل .. بس مشوار رايح جاي في شارع حراء والا السبعين .. كفيل بأداء الواجب .. اشكرك

  28. عبدالعزيز الجفن

    والله إنك صادق يابندر .. شوارع زي الزفت
    انا أيام موتر القديم .. عندي إن الشوارع عاااااااديه
    لكن توي مطلع موتر وكاله ” الحمدلله ” .. بصراحه حسيت إن شوارعنا من أيام اللي دخلو مع الملك عبدالعزيز الرياض
    حفر وبلاوي وأختراعات جديد .. !!

    (( وبالمناسبه )) قبل كم يوم كنت رايح للشرطه أخلص لي معامله وكنت واقف جمب مكتب ” مساعد مدير شعبة السير ”
    وأسمعه يسولف مع واحد ويقوله : وش رايك نحط بعد كبري الجامعه كم صبه عشان ما أحد يلف من أول ملف <<< أسألكم بالله هذي حاله

    بندر .. كد جربت تودي أخوانك للمدارس الصبح !!

  29. احمد عبدالله

    اخيراً
    يسرني ان ادعوكم بزيارة مدونتي
    http://ahmedb2009.wordpress.com

    تحياتي لكم
    أحمد عبدالله
    كــــهـــرمـــان


  30. كله كوم وال
    “و إنتباه للبساس الهبلة إللي مو عارفة تقرر مصيرها ”
    كوم تاني

    هههههههههههههههههههههه

    والله جد السواقة صارت تجيب الهم
    تدري والله السواقة متعة بس مو في البلد هادي


  31. -
    اسمحوا لنا خلونا نجرب :)


  32. “إنتباه للبساس الهبلة إللي مو عارفة تقرر مصيرها”
    من جد !!
    تدوينه رائعه ..افكر اوريها اخوي .. الي من سنتين وهو يحن يبغى سياره .. شكرا بندر ..

  33. حسن سف الدقيق

    أما حقت (أبو نايف) هذي معاك حق فيها.. جلست مرة أركز على الإشارات في كل أنحاء جدة (شمال وجنوب) تقريباً 95% من الإشارات أعلان (أبو نايف) موجووود فيها، هذا شكله مرررة واصل..!!

    في برضو موضوع يضايقني شخصياً كثيييييييير، أكون لسه مغسّل السيارة ومتزبطة ومعطرة وتلمّع.. وبس 5 دقايق وأدخلك في (بِركة مجاري) ويا كثرها في جدة، تتوسخ السيارة وتنعدم ريحتها وتمسّك معاك الريحة كمان.. أنا ساعتها أكون مرة مقهووور!!

  34. محمد الغامدي

    على طاري السواقة ومشاكلها تابعوا الحادث هذا:
    http://www.youtube.com/watch?v=QbufHJFhivk


  35. هههه
    قبل امس شفت مقطع لعمرو اديب عن سواقة الستات يموت ضحك
    فكرت جديا اني احفظ كرامتي ولا اسوق ابد :(

  36. محمد

    احنا مو ناقصين زحمة في الشوارع زيادة ،

    لكن أعتقد لها فوائدها لبعض العوائل

  37. نورة

    اخوي اهلين .. انا فتاه سعودية اقود السيارة كما تفعل اخواتي …
    في … احزر وين !!

    في القاهرة .. يعني اعفن شارع فيك يا المملكة لا يقرن بمحور ٢١ يوليو او طريق الدائري او كما يعرف بطريق الموت !!
    … سيارات تتسابق عندكم هههههههههه
    تريلات محمله تتسابق وحصل وانصدمت اثنين ببعض وسببت في عمل عجينه مقاديرها ٤٠ سيارة ما طلع منها احد!! ووسائل الاعلام تقول :( ما حصلش حاقة!!

    انا سعودية !! لم ينقص كوني امرأة من مهاراتي القيادة و اجد ان تمسك الناس بعدم قيادة المرأة بانها غطرسة رجولية بحته !! وتمسك ( القائد ) بما تبقى من رجولته !

    انت تستطيع توفير قائد لك … هناك نساء يعملن ليعلن اسرهن – لاسباب نعلمها او حتى لا تخطر ببالنا – تخيل ان يشاركهن التاكسي لقمة عيشهن – عشان مشوااار ما يكلفه ريالين بنزين !-
    او تضطر للاختلاء بسائق اجنبي الله الاعلم بنواياه و تضطر لتوفير عرش ملكي لاجله !!
    السائق في جمهوريه مصر يدشدش سيارتك ولا يريد اقل من ١٠٠٠ جنيه شهريا و ٣٠٠ جنيه كرم سيادتك + لا تشغله كثير وعليك البنزين !! قصموا ظهري ما تتخيل كيف !!!

    حاجات الناس تتغير والناس في بلدي الحبيب لا ترى المرأه سوى جوهرة عليها الهلاك !

  38. نورة

    ما زالت الاراء عندنا لا تهتم اذا كان الشيء صائبا ام لا او حتى مفيدا على المدى البعيد وانما كل قائل يفكر من منطلق :

    احتاج القرار هذا : انا موافق
    لا يفيدني شخصيا : لا غير موافق !

    قياده النساء ستقلل الزحمة في بلدكم !! وستقلل العمالة الاجنبية كذلك

    اقصد ( تكاسي ، ليموزين ، سواويق ! )


  39. لا تشكيلي ابكيلك
    شوارع جدة تنفع تكون مشكلة تحتاج لحل عند الأمم المتحدة

    بكره بس يسوقوا النسوان عندنا في البلد .. اول شيء اسويه اجنب عند اقرب رصيف واتفرج واضحككككك D : واقول الله يعينكم


  40. (مافي أحلى من إنك تسترخي وتنام أحيان بالطريق :P وأخوك أو السواق يسوق،، لين توصل مشوارك ،، وتصحى لما يوصل)،،
    الحمد لله،، الله يديمها نعمة ولا يكتب علينا السماح بالسواقة ياااااارب


  41. عن نفسي نفس حالتك و انشالله اجازتي بعد اسبوعين واول شي راح اسويه اني راح اتفق مع اي سواق ليموزين يمر علي كل ما اتصل عليه او اجيب سواق عشان ارتاح وترتاح اعصابي من السواقه في الشوارع


  42. شوف بندر كلامك 100% ما اقدر اعارضك بصراحة :( انا طريق الخبر الدمام يتعبني مرررررررة واحس اني افقد اعصابي وقلبي ضرباته تزيد من السواقة السيئة :(
    نحتاج لبعض القوانين وتعديل الشوارع ويصير تمام التمام ..
    مشكلة ان الشعب التأسيس حقة رديئ وهو يربي اجيال وراح يزداد الوضع سوووء في السنوات القادمة …

    - اما بخصوص اننا نسوق انتم خلونا نسوق بالاول بعدين نتفاهم على كل شئ ونحط النقاط ع الحروف :d


  43. بندر تعال سوق في مصر ،،، وراح تشوف النعمة الي انتو فيها
    والي انا كنت فيها كمان ،، هانت :)

  44. Abo Hadi

    هدية بسية بمناسبة سواقة الحريم .. بتعليق عمرو أديب
    http://videohat.masrawy.com/view_video.php?viewkey=a128142ecef927787f0a&page=&viewtype=&category=

    Enjoooooy!
    :P


  45. ههههههههههههههههههه
    تسلم اخي بندر عالتفصيل الرهيييييييب تبعك دا
    ياليت بس النساء السعوديات يفهموا و يقتنعوا
    الله يرحم حالنا … الوحده شغل البيت لحالها ما تقدر عليه و تدلع على زوجها و تجننه و تطير عقله…. كيف يبوا يسوقوا كمان !!!
    الله يهدينا ويهديهم
    يبوا يدخلوا نفسهم في كل شي و بس

  46. loody

    حدا قالك انك مهضوم ,, يا رهبك ياخي :>

  47. mon2

    هههههههههه
    بصراحه انا ماعندي طموح اسوق ولو كان عندي خلااااص بطلنا
    انا هدفي افتح ورشه للبنات
    لانه مع كل هاذي الطحينيه ؟؟؟
    حترتفع الاسعار


  48. رغم اني اشوف انو ذا الشي لازم منه دحين ولا بعدين لانه في حريم محتاجة تسووق..(وهذي الله يكون في عونها)
    لكن الحمد لله يارب .. حتى لو ساقو الحريم ما افكر اسوق
    احد يجيب البلى لنفسو!..

    كما اني ارى ان الـ Default للحريم هي الغشامة في السواقة على مستوى العالم …. هذي حقيقة لا احد ينكرها D=

    بالذات في شوارع جدة .. اللي صايرة شوووربة
    وعد واغلط في الحفريات اللي مسوينها .. يزبطو ايش ولا ايش!
    =======
    بالصدفة انتهيت امس من رسم كاريكاتير عن شوارع جدة يجسد شيء بسيط مما كتبت!
    http://4.bp.blogspot.com/_IQq3VJMtBFE/SoX98go23MI/AAAAAAAAAGU/EJptSUtLIUA/s1600-h/jedda.jpg

  49. adnan

    قلبتو المواجع وش نقووول لا اله الا الله والله قررررررررف يا جماعه الخير انا كـ طالب .. يعني صغير شباب هههه المهم من السواقه في مدينه جده جاني قولون عصبي واخذت شهر معذب في البيت وش الحل والله تعبنا ياخي تسوق وكانك في سباق فورمولا وخاصه عن الاشارت المروريه قبل ماتفتح تسمع بواري وقرف الله يكون في العون والله حاله المشكله حتى المرور تعبو كنت واقف في اشاره ومع الرجه والي يدخل عليك المهم قفلت الاشاره وتجاوزت خط المشاه اشبو في خط مشاه المهم بالعربي الي يشوفني من الاشاره الثانيه يحسبني قاطع وقفت والله والله رجل المرور في سيارته ورايا ولا كلمني ولا شي بل وقف محاذاتي وكانه يقول اول ماتفتح الاشاره نشوف مين يطرح الثاني… اما البنقاله والباكستان ..هرجتهم هرجه … والله معاناه .. ياجماعه احلى حياه شفتها في حياتي من راحه في القياده ونظام مروري رائع وحريم يسوقون ولا احد يئذيهم في سكن ارامكو في المنطقه الشرقيه..ويسوقو بحرفيه ونظام الله بس … انا وش جابني جده بس مااقول الله يكون في عونكم يا اهل جده!!!!!!!!!!

و إيه رأيك في الموضوع ؟

Comments will be sent to the moderation queue.