في هذه الأيام ..
لقيت نفسي ..
فجأة ..
أصحى للدوام !
من صباح ربّنا ..
أرتّب الهندام ..
بينما الكسالى ..
نيام ..
أوصل هناك ..
أجلس على مكتبي ..
و أمزمز على قهوتي ..
و أفتح الجهاز ..
لعلّي ..
أخرج بأي إنجاز ..
من بين المهام ..
و على المغربيّة ..
أرجع بسرعة ..
و يا دوب ..
بعد صلاة العشاء ..
أنام !
و آخر الشهر ..
أستلم الراتب ..
بدون ما أكثّر كلام !
يعني حياتي ..
صار فيها نظام !
و صار حالي ..
زي باقي الأنام ..
أسعى ..
بالأيادي و الأقدام ..
في سبيل اللقمة و الإيدام ..
بس أنا ..
لسّه ما عندي تصوّر ..
هل بأفني حياتي ..
في الدوام ؟
لكم سنة ؟ و كم عام ؟
و ماني عارف !
هل هذا تهوّر .. و تدهور ؟
أم تطوّر .. و تقدّم ..
للأمام ؟

2007

إلتحقت بوظيفة جديدة .. و أسئلة كثيرة .. و التفاصيل بالداخل ..

38 Responses

  1. بإختصار .. إلتحقت رسمياً بوظيفة جديدة .. و استلمت أول راتب منذ يومين .. و بدأت أتسائل إلى متى .. و لماذا .. أنا كنت مرتاح بوضعي كمصمم حر Freelancer .. فلماذا التحقت بهذه الوظيفة ؟ .. هل المال و الإغراءات سحبتني ؟ .. كنت أبغى أعمل مؤسستي الخاصة .. فلماذا قتلت أو أجّلت الموضوع و التحقت بهذه الوظيفة ؟ .. هل أنا أخطط للإستقالة من الآن ؟ .. هل تناسبني طبيعة العمل هنا ؟ هل أحب الصحيان بدري و الخروج إلى المكتب كل يوم ؟ .. مو كتير كل يوم ؟ هل عندي أي خطّة حقيقة أمشي عليها إذا تركت هذه الوظيفة غداً ؟ أسمع أن هناك أزمة وظائف في البلد .. فهل أنا بطران و متكبّر على وظيفة كهذه ؟ أو على الوظائف عموماً ؟ … هل أستطيع الوزن بينها و بين عملي الخاص ؟ ما دامت الشركة لا تمانع ؟

    ——————-

    مزايا هذه الوظيفة الجديدة ( لا تضحكوا ) ..
    ١- المكتب قريب جداً من بيتي .. دقائق فقط ..
    ٢- إلبس كما تريد .. و اعمل كما نريد .. ( لا مانع من أي لباس كاجوال )
    ٣- الزملاء في العمل دمّهم خفيف جداً .. حتّى المدراء ..
    ٤- الإلتزام بوقت الدوام كدخول و خروج ليس شرطاً .. المهم هو التواجد اليومي في المكتب ..
    ٥- نوعيّة العمل المطلوبة مني ليست صعبة .. و لكن فيها تحديات إبداعيّة ..
    ٦- الراتب جيّد و الحمد لله ..

    الوظيفة في الشركة التي تعاملت معها بخصوص شاشات الـ LED الموجودة في المباريات الكبيرة في الدوري و الكأس السعودي .. و تكلمت عنها في موضوع سابق ..

    هل أنا مجنون إذا تركت هذه الوظيفة ؟ و عدت إلى العمل من البيت ؟


  2. لا لست مجنون … لكن ستكون غير واقعي
    ومعليش تعال على نفسك واستحمل شوية يمكن إيميز يرفعوا أسعارهم بعد مدّة و تحتاج لك قرشين زيادة :-)

    العمل من البيت له طعم تاني أكيد …. بس مدام انه بيئة العمل عندكم casual وما فيها formalities كتير يعني كأنك بتشتغل من البيت بس عزمت أصحاب دمهم خفيف عندك كل يوم :-)

    أتمنى لك كل التوفيق انشالله … اعتبرها تجربة عملية تفيدك لما تفتح شركتك الخاصة قريبا بإذن الله


  3. هذا الموضوع اكبرموضوع في حياة الواحد…

    يبغالك تجيب القهوة وتقعد وتسمي بالرحمن وتفكر في الحسابات…

    ومعليش تضرب اخماس في اسداس…

    ومن جد والله فكر كثير…

    لانك بعدين يابتصير فوق اما تحت…

    ترى البلد تتغير كل يوم …

    فكر بندر فكر كثير…

    عشان لاتقول اني اتفلسف احسبها كمان مره…

    وشوف ايش بيطاع معك…

    على العموم ربنا يوفقك للاحسن دايماً…

    ________________

    اقولك على حاجه سوي خطة لحياتك…

    بس رجاء ورجاء خاص لاتسويها خطة خمسية…

  4. nAs

    مرحبا ..
    اعتقد انك صليّت استخاره والا ؟!
    الله يكتب لك اللي فيه الخير .. .. ..


  5. مبروك يابندر

    وعقبال ماتتحقق الشكوك!

  6. Louls

    سلامتك من الجنان،
    ممكن ما تكون من نوع الناس اللي يفضلوا يشتغلوا تحت مدير ، وتكون من نوع الناس اللي ينجز اكثر لمن يكون مدير نفسه .. و انت شهدت لنفسك انك كنت ماشي تمام .. صح ؟
    حط في بالك اذا نفسك و مستعد تواجه كميه اسئله وstatments مجتمع يموت و يحكم على الناس اخرج من شغلك ..

    اعقلها و توكل يا باشا و الله يخترلك الخير ..

  7. Louls

    *statements


  8. مبروك بندر … استمر


  9. مبرووك .. إستمر إلى أن تكون شركتك الخاصة
    بعدها قلهم كيف الحال ;)


  10. اول شي الف مبروك يابندوري
    ونصيحة من واحد” اتمرمط” وجرب: خليك في وظيفتك واسحك تحط في راسك موضوع الاستقالة لانو اذا بدأت تفكر فيه مع اول مطب حتستسلم وتطلع.
    امسك مكانك وابنيلك سمعة طيبة ومن هناك تبدأ تشتغل لشركتك الخاصة
    انشر اسمك وشغلك قد ماتقدر عشان تكسب زباين للمستقبل
    والحمدلله الشغل فيه كل ماتطلب فاحمد ربك وركز وان شاء تكون فاتحة خير عليك والدنيا تضحك في وجهك
    فين حلاوة اول راتب ياواد؟
    :-)

  11. عدنان يتحدى المخاطر

    ألف مبروك :)
    العمل في القطاع الخاص يعطيك خبره..ورؤيه اوسع لسوق العمل..لعل وعسى تنفع في يوم..يوم افتتاح مؤسسه بندر الخاصه.

  12. Lamya

    الف مبروك
    بعدين انتا لسه بتقول يا هادي يعني دا لسه اول شهر .. استنى شويه .. ما اعتقد انك حاليا تقدر تحكم ازا كان افضلك انك تستمر او لا .. لسه بدري :)
    والله يخترلك الي فيه الخير يارب


  13. الميزة الأولى كافيه للاستمرار و لو حاليا.

    خد خبرة دحين و اكسب ثقة الناس, و بعد فترة معقولة اعمل مشروعك الخاص, بس كون متأكد من حساباتك و توقعاتاك الربحية, لأنه المملكة انضمت لمنظمة التجارة العالمية, و الشركات الأجنبية جاية و هي عندها قوة و خبرة, و حسب التقارير ففي شركات مهددة, بمعنى آخر الآن لازم الواحد يكون عنده عملاء مواليين و شغل متقن لتنجح.

    و بالتوفيق في جميع الاحوال,


  14. شباااااااااب

    أقول روقو أقول ها

    إحنا ماصدقنا

  15. FATOOO

    لا يابندر لاتخليها ماتظمن مشروعك ينجح أو لا…
    بالعكس إستمر فيها وأبدا بخطه عمل لمشروعك وحاول ان توازن بين المشروع وبين عملك….
    وفي النهايه اذا تأكدت من نجاح المشروع أتركهم على راحتك….
    تمنياتي لك بالتوفيق


  16. أحسن شي أن الوضيفة قريبة من البيت … ياااااحضك
    هذا يا بندر يسمونه رهاب أو ل أيام العمل … وهو يصيب الموضفين الجدد في أي وضيفة يشغلونها خاصة إذا ما كانت لهم طموحات أحياناً تتجاوز ما يجدونه في تلك الوض


  17. أحسن شي أن الوضيفة قريبة من البيت … ياااااحظك
    هذا يا بندر يسمونه رهاب أو ل أيام العمل … وهو يصيب الموظفين الجدد في أي وضيفة يشغلونها خاصة إذا ما كانت لهم طموحات أحياناً تتجاوز ما يجدونه في تلك الوظيفة .. ولكن المياه تعود لمجاريها من جديد بمجرد ما يتعود الموضف على الجو الجديد ويتفاعل معه … والف مبرووووك يا بندوري على الوظيفة والراتب وعقبال كل شباب المملكة يا رب ..


  18. اعجبني كلام الاخ : Ahmad Qushmaq

    وأييد الاستمرار بقـوة ..

    ** بندر من الآن انا اتقدم بطلب وظيفة جيّده اذا فتحت لك مؤسستك الخاصة **

    طبعاً اذا خصصت قسم نسائي فيها !


  19. والله يا بندر انتا عارف رأيي.. وانا كنت متوقع منك انك راح

    تبدأ في مؤسستك الخاصه لكنك فاجأتني بخبر الوظيفه.. انتا استمر

    في الوظيفه لكسب الخبرة وفي نفس الوقت ابدأ في تكوين عملاء لشخصك

    انتا .. وبرضوا لمن تبدأ مؤسستك لا تستقيل الى لمن تبدأ مؤسستك في

    الانتاج الفعلي لك وللموظفين اللي راح تجيبهم عندك وتكون المؤسسة

    قادرة على حمل مصاريفها ومصاريفك. وبالتوفيق ولا تتهور و تستقيل

    الان.

  20. Louls

    ليش بيباركولك كأنك اتزوجت ولا جالك ولد ؟؟؟
    i think am missing something here ????


  21. ِEntropy
    أشكرك على الدعم المعنوي .. حأعتبرها تجربة و أشوف :)

    إيمان إسلام
    لازم أسوي خطّة لحياتي .. أشكرك على رفع المعنويات .. :)

    nAs
    صليت الإستخارة ..
    و ما حسيت بإندفاع أو تراجع ..
    يعني الوضع طبيعي يمكن ..
    شكراً لكي .. :)

    ياسر
    الله يبارك فيك ..
    شكوك إيه يا عم ؟
    شاك في شي ؟

    Louls
    عقلتها و توكلت .. شكراً :)

    أنوووس
    شكراً يا دكتور :)

    توووتي
    مشوار بس شكراً :)

    أحمد قشماق
    أنا منتظر أول مطب .. شكراً على الدعم ..
    حلاوة الراتب ؟ لا لا .. هذه بدعة !
    :)

    عدنان يتحدى المخاطر
    أشكرك يا سيد عدنان .. و لعل و عسى .. على قولك .. أشكرك .. :)

    لمياء
    لسّه بنقول يا فتّاح يا عليم ..
    على قولك .. بدري ..

    khawlah
    منظمة التجارة العالمية ..فين الشركات الجاية ؟ لينا سنة منضمين للمنظمة و ما حد جا ؟!
    أشكرك على النصيحة و الله يوفقك .. :)

    أبي
    خليهم يطلّعوا إللي فقلبهم يا خي .. :)

    فتووو
    نصيحتك عالعين و الراس … أشكرك .. و باشوف كيف يسير معاهم .. :)

    محمد الشهري
    ما أحسه رهاب .. أحسه طفش و إحباط و مالي خلق أداوم .. يعني حالة الله أعلم بيها ..
    و عقبال باقي شباب المملكة .. أشكرك :)

    pastel
    مؤسستي الخاصة :) ؟؟؟
    طيب بس أهم شي لما تقدمي لا تنسي الملف العلّاقي الأخضر .. رمز وطنيتنا !
    أشكرك على الدعم :)

    محمد بن سالم
    كلامك عين العقل .. زي كذا واحد و وحدة قبلك .. أشكرك على النصائح :)

    Louls
    أووووووه .. أتزوجت و خلفت و دخلتهم مدارس و أتخرجوا و أتزوجو و خلفوا و بكرة فرح حفيدي الأكبر .. الله يحييكي .. ممنوع إصطحاب الأطفال !

  22. koka

    الله المستعان .. الحقيقه شي يرفع الضغط
    وتخلي الواحد يختل …ناس تلاقي وظايف ومو عاجبهم .. وناس تتعب وتشقى وتسعى تدور الوظايف بكل مكان..وياليت تحصل…


  23. koka
    مدري إيش أقول .. الله المستعان ..
    بس عموماً هناك بالتأكيد أزمة وظائف في البلد ..
    أشكرك .. :)

  24. nAs

    بندر , عليك بالأذكار !!


  25. بندر، الملف العلاقي للنساء لونه وردي :) الأخضر للرجال. لو رحت الأحوال راح تشوفه هناك


  26. بندر

    لمن تتزوج اقلك كنت شاك في إيه!


  27. الف مبروووك بندر ..

    بالعكس شخصياً انصح انك تشتغل مع ناس قبل لاتبدأ شغلك لحالك عشان تعرف السوق والزباين وطريقة التعامل معهم وكيف تتعامل مع الادارة مستقبلاً لما يكون عندك موظفين وعملاء

    الله يوفقك يارب ويوفقنا

    باسم


  28. مبروك الوظيفة يابندر وبالتوفيق انشاءالله

    عن نفسي .. لو الاقي شغلة كويسة ومحرزة اقدر اسويها في البيت واصير اشتغل على كيفي انا مو على كيف الناس الثانين كان تركت وظيفتي على طول.

    الشغل من البيت له مزايا ونفس الشي الشغل في وظيفة. لكن شغل الوظيفة يسرق وقتك وما يعطيك مجال انك تبدع خارج اطار الوظيفة

    عموما انت فكر والعبها صح

    بالتوفيق


  29. تكملة:
    ورأيي انك تاخذها تجربة وتحاول تستفيد منها لو قررت بعدين انك ترجع كرجل حر بدون وظيفة :)


  30. كل الإيجابيات اللي ذكرتها تخليك تفكر مليون مرة قبل ماتتركها …
    على فكرة .. صدفة جميلة إننا اشتغلنا في نفس الفترة تقريبا


  31. الرد ناقص :( :( :( مابكتبه مرة ثانية

  32. وئومي

    بندر ..بالتوفيق

    وضعك الحالي لايمنع ان تبدأ بمشروعك الخاص

    لكن.!!

    لاتبخس نفسك حقها .. وتفني كل طاقاتك في الوظيفه .. قدم ماهو مطلوب منك وبالقدراللذي يرضي ذاتك فقط


  33. ماشاءالله .. الف مبروك اخوي بندر

    من خلال الميزات اللي ذكرتها .. اقول حرام تترك هالوظيفة بكل ميزاتها
    ويمكن من خلال العمل تكمل شغلك(عملك) الحر اللي كنت تمارسه سابقاً
    او ترجع بدري من الدوام وتكمل شغلك ,,
    اهم شي انك مو مقيد بالحضور و الانصراف

    والله يعطيك خيرها ويكفيك شرها

    سؤال
    في زي كذا وظائف للحريم ؟


  34. شكراً لكم جميعا ..
    تمعنت في ردودكم ..
    و خلاص ..
    باتمسّك بالوظيفة .. إن شاء الله …

    :)


  35. isolation transformer schematic…

    The contructicons were the primary gestalt side in the transformers pencil-mark, but isolation transformer schematic unalike from most succeeding gestalt teams in that they consisted of six members as an alternative substitute of five….


  36. Weight Loss Reviews. Hoodia effortlessly reduce their caloric intake by 7000 calories each week. Visit: http://www.healthshop.tv


  37. tranny cartoons…

    Fresh news on tranny cartoons….

  38. أيمن

    بالنسبة لموضوع الاستقالة بسرعة ترى جا على الجرح
    أنا أتهورت وخرجت من وظيفة والسبب انها مابتضيف جديد في خبراتي
    صح انا طموح لكن محتاج الراتب
    شجاعتي ورطتني لكن ادعولي احقق اللي في بالي

    وانصح بندر والجميع انه يحسبها صح
    think twice…..

و إيه رأيك في الموضوع ؟

Comments will be sent to the moderation queue.