أنت تحلق لحيتك ؟
إذاً ..
أنت حليق !!!!
إذاً ..
من المؤكد أنك تسمع الأغاني !
إذاً ..
من المؤكد أنّك تدخن !
إذاً ..
من المؤكد أنك تحب الشكشكة !
إذاً ..
من المؤكد أنك تعرف بنات !
إذاً ..
من المؤكد أنك زاني !
إذاً ..
من المؤكد أنك تشرب الخمر !
إذاً ..
من المؤكد أنك فاسق !
إذاً ..
من المؤكد أنك تحشش !
إذاً ..
من المؤكد أنك تتعاطى المخدرات !
إذاً ..
من المؤكد أنك تروج المخدرات !
إذاً ..
من المؤكد أنك أصبحت غنياً من المخدرات !
إذاً ..
من المؤكد أنك تعقد صفقات مشبوهة !
إذاً ..
من المؤكد أنك تمارس غسيل الأموال !
إذاً ..
من المؤكد أنك تمول خلايا إرهابية !
إذاً ..
من المؤكد أنك إرهابي !
إذاً ..
من المؤكد أنك من الفئة الضالة !
إذاً ..
من المؤكد أنك عميل !
إذاً ..
من المؤكد أنك متصهين !
إذاً ..
من المؤكد أنك يهودي !
إذاً ..
أنت كافر !!!!!!!!!!!
—————————-
إذا كنت ( تحلق ) لحيتك .. فمن ( الرحمة ) أن يحكم عليك ( المجتمع ) بأنك ( كافر ) دون المرور بالخطوات أعلاه
أليس كذلك ؟!
على صعيدِ آخر ..
إذا كنتي في حجابك ( تكشفين وجهك ) .. فلكي أن تتخيلي التهمة الوحيدة الموجهة لكي !
هذا هو منطق مجتمعنا ( المحافظ ) كان الله في عونكم ..
January 14th, 2007 at 10:57 am
ياساتر
صدقت بندر ..
لك انت تتخيل ايضاً ..
اذا كنت تتحدث عن حرية الرأي ،، فأنت علماني – ليبرالي – زنديق ( لك ان تختار اثنين من اصل ثلاثه ، في حاله اختيارك ثلاثه تكون الإجابه خطأ ويخصم منك درجة ) فتكون شيعي !
January 14th, 2007 at 11:02 am
باسم
ههههههههههههه …
لووووووووووووووووووووول ..
يا شيخ شوي و أطيح من الكرسي …
عجبتني إثنين من أصل ثلاثة …
طيب و في حال إختيار واحد فقط ..
في الحقيقة أختار أن أكون ليبرالي .. إذا كانت هي التهمة الملصقة بحرية الرأي …
أما ثلاثة تهم .. كثيرة علي ..
أشكرك عالمرور الله يسعدك
January 14th, 2007 at 11:55 am
هههههه
بعد اذنك بندر باخذ راحتي في المدونه
بحكم اني ما احب اقول آرائي السياسيه في مدونتي خلني اخذ راحتي في مدونتك ..
في يوم من الأيام سوف يقرأ احد الذين اتحدث عنهم هذا الموضوع ويعتقد انه هو المقصود ..
فأقول له كما يقولون العُجم ..
if the cap fits, wear it
والإكوفلنت لها بالعربي .. الي على راسه بطحا ،، يطبطب عليها
بندر .. تراني محللك ومسامحك تحذف اي رد مايعجبك
على فكرة ،
آبل تي في .. 40 قيقا ما كنها شويه
خصوصاً لو واحد بيناظر افلام HD وبتاع
المفترض يكون فيه 2 هارديسك
واحد 40 والثاني فاضي تقدر تحط فيه انت ، بدال ما استخدم اكسترنال او نتورك شيرنق .
:$ وعلى فكره ثانيه ،
واسألك عنه 
)
الأحم احم :$
بيجيني ان شاء الله هديه :$ شي لونه ابيض وشاشته 15 ويتكلم ماك
حزر ، وجايزتك ( راح ازعجك اخذ منك برامج
January 14th, 2007 at 12:05 pm
باسم ..
( بحكم اني ما احب اقول آرائي السياسيه في مدونتي خلني اخذ راحتي في مدونتك )
و بعدها إذا أنا أختفيت فجأة .. أكيد تعرف فين باكون .. شوف لك واسطة و خرجني تكفى
آبل تي ڤي .. إنت داخل في موضوع مختلف جداً عن التدوينة ..
قليل طبعاً .. لكن لا تنسى إنك أصلاً ممكن تعمل ستريم من الماك أو البي سي للفلم بدون ما تخزنه على الآبل تي ڤي ..
مبروووووووك !!
ماك بوك ؟ لا .. هذاك ١٣ إنش .. مممممم
آي ماك ؟ ممممم ما وقفوه الآي ماك الـ ١٥ إنش ؟ الآي ماك الحين ١٧ و ٢٠ و ٢٤ إنش أعتقد ..
الأشياء الثانية ماهي بيضاء ..
والله ما عرفت .. آي ماك موديل أقدم شوية ؟
يا سيدي مبروك كده ولا كده ..
و أنا تحت أمرك … و مدونتي تحت يدك ..
January 14th, 2007 at 12:05 pm
ههههههه يا بندر اتقي ربك …
January 14th, 2007 at 12:08 pm
أنوووس ..
تكفى لا تكفرني من أولها .. أنا مو حليق !
January 14th, 2007 at 12:08 pm
صادق .. .. انا عدت عليه ايام كان فيها كم تهمه من النوع االمرتب:
١- انت ما سرت تحضري محاضرات دينيه !! اكيييييد واحده ضربتك عين ؟ انت ما تتحصني كل يوم ؟ ترى ضروري تنامي متوضيه ، عشان لا يقربك الشيطان ؟ تبغي مويه مقريه ؟
٢- امك و ابوك يروحوا موالد (اللهم ثبتنا على السنه) لا هذه بدعه وليس لها اصل .. ما عندك غير حل واحد (من رأى منكم منكرا ….. ) واذا ما سمعوا ترى تسقط عنك طاعتهم لأنهم اشركوا و يسيير ( فصاحبهما في الدنيا معروفا) ولا طاعة لمخلوق في معصية الخالق .. انتبه لنفسك و لدينك جزاك الله خير …
٣- انت تحبي مناجاة رابعه العدويه لالالالالالالالا هذه مذنبه و زنديقه كانت تخاطب الله مخاطبه المتحابيين اعوذ بالله …
٤- اخر حاجه كانت دروس قيتار ، لا انت مره زودتيها مو كفايه انك في بلدهم بتعطيهم فلوس تقومي تصرفي فلوس اكتر في معاااازف .. الله لا يهنيهم الانجليز الي بيقتلونا ..
انا حمووت و اعرف كيف شبكت المواضيع في بعض ؟؟ وهذه المفروض واحده فاهمه
غير اني لا امت للولاء و البراء بصله عشان اصاحب مسيحيين و يهود وبوذيين ؟؟؟
و اللسته طوييييييييله …. ليش لازم نمشي ونلبس و ناكل و نشرب و نحب و نكره و نقرأ و نسمع و نشوف كل شي هم اقرّوا ؟ ومين همّه اصلا دي الفئه الي اصدرت الفرمانات دي؟؟
January 14th, 2007 at 12:23 pm
Louls
( امك و ابوك يروحوا موالد )
في هذه الحالة فقط يجوز لكي أن تهربي من البيت و اللجوء إلى أي مكان لا توجد فيه شركيات مبتدعة .. لأن —>
( لأنهم أشركوا )
وي وي … لازم تستتيبيهم .. و إذا ما رجعوا عن الموالد تقتليهم ذبحاً كالخراف ! و تصوري عملية الذبح و تحطيها على الإنترنت و لازم تعرضها قناة الجزيرة أو روتانا ..
( ومين همّه اصلا دي الفئه الي اصدرت الفرمانات دي؟؟ )
أي فئة تعتقد أنها وحدها على العقيدة الصحيحة و من خالفها كفّار .. و الله أعلم ..
أنتظر منك المزيد بهذا الخصوص .. فالموضوع مرعب .. متى سوف تذبحين أهلك ؟
ممكن أحضر الذبح ؟
أشكرك ..
اللهم الطف بنا
January 14th, 2007 at 2:10 pm
للأسف هذه النظرة الخاطئة موجودة واللي قسمت المجتمع إلا قسمين
صالحين زاهدين ورعين علماء وفقهاء
وقسم آخر فسقه زناديق طالحين ضايعين
والمشكلة بأن هذا التقسيم ينافي تقسيم الله عز وجل للناس في كتابه إذا قال عز وجل (( ثم أورثنا الكتاب الذين اصطفينا من عبادنا فمنهم ظالم لنفسه ومنهم مقتصد ومنهم سابق بالخيرات ))
والله المستعان
January 14th, 2007 at 2:16 pm
ماشي صح
هلا والله ..
كلامك ( عين المنطق ) …
لم نعد نرى ( التدرجات اللونية ) بوضوح .. نحن نميز الأسود و الأبيض فقط ..
أما ما بينهما .. أصبحنا نرده إما للأسود غالباً .. أو للأبيض نادراً .. و قد تعودنا على هذا الـ( كونتراست ) الشديد للأسف ..
أشكرك
January 14th, 2007 at 2:25 pm
هههههههههههههههههههههههههههههههههه ….
:p
قبل كم يوم سويت دقن كاملة ((خليجي)) امي شافتني .. قالتلي امشي روح احلق انتا لاتصير زي هوامير الاسهم ينخمو فيك
January 14th, 2007 at 2:31 pm
أنوووس ..
هههههههههههههه …
ما أستبعد إنك هامور !
عفواً .. أقصد .. دافور ! .. دافور المذاكرة و الكتب ..
هية دافور ولا دارفور ؟
كارفور ؟
كافور ؟
سنفور مجتهد !
January 14th, 2007 at 3:02 pm
الناصر محمد
أولاً أهلاً بك هنا ..
و أهلاً بك في عالم التدوين ..
الحالة صعبة .. و عملية مزج العرف بالدين ( بل و تقديم العرف على الدين ) التي تحصل في مجتمعنا مصيبة .. مصيبة كبيرة قد لا نجد منها مخرجاً سهلاً ..
لن أدخل في موضوع ( تخفيف الشنب ) أم ( حف الشنب ) .. فهذه حسب فهمك و فهمي و فهم غيرنا و فهم العالم الفلاني و العلاني و هكذا ..
لكن ..
يسعدني أنك تفعل ما تراه صحيحاً .. دون إعطاء أي إعتبار لهؤلاء .. فربط ( العلمانية ) بالـ( شنب ) ليس إلا جنوناً !
أتمنى أن تستمر في فعل ما تراه صحيحاً .. دون إعطاء أي إعتبار لمن لا يعلم الفرق بين ( التفكير ) و ( التكفير ) …
حياك الله ..
إبتسم الآن و دعك منهم ..
January 14th, 2007 at 3:09 pm
انا بقولك هذا اسمه الاحكام الظاهرة
ثم ينطوا على التصورات العقلية
ثم ينطوا على الاحكام المسبقة
ثم ينطوا على الاعدام شنقا باطلاق الرصاص وبدون محاكمة
الى ان يصلوا (ينطوا)الى مجتمع الفكر الواحد….
وهو اذا مكنت تشبهنا فأنت مارق وصديق للاعداء وذا فكر دخيل.
بس اسمح لي هنا اذكر موقف صار لي الاسبوع الفائت
انا واخوي زي دايم رحنا مكتبةالعبيكان عااااااادي شفنا الكتب ومافي جديد ومشينا…
وبلغلط مرينا على مكان 5نجوم كنت انا بشتري مظلة بما أني هاجة ان شاء الله…
الا وصارلي انا واخوي موقف شنيع….
مو الهيئة ترى كل واحد منا ببطاقة الاحوال….
الموقف صار انه الموظفين عاملوا اخوي بشكل سيء وكأنه مش موجود اصلاً….
اخوي زعل والله قلت له انا ليش كان تصرفهم كذا؟؟؟؟
قالي بكل بساطة أنهم مستحيل يربطوا انه احنا اخوان اصلا مافي شبه ….
وبعدين هم حسبوكي اجنبية يمكن(جاية للحج) ولا شوفي كل السعوديات يلبسوا عباية سوداء وضيقة واحيانا مغطية وجهها ولابسة طرحة سوداء..(انتي يابنتي طايحة من الاقفة بما نه حجابك اسلامي لا عاداتنا)
ولا بعد ماتكلمتي انتي بالانجليزية وبلكنه امريكية…
..وانا شكلي سعودي بدوي
اش تتصوري بعد كذا؟؟؟؟؟
حيعملوني انا كأني اشتغل عندك!!!!
أنا: لاتقول كذا ياشيخ.
اخوي : هذي الحقيقة والله واكد لك انهم فهموها كذا…..
يابتي انتي مش دارية عن شيء هنا يتعاملوا بالشكل!!!!!!
عمرهم مايعاملوا الناس الا بشكلهم…..
طبعاً ساد صمت رهيب يمكن يكرهوني اخرج مع اخوي مع انها كل باقضيها معه ايام …….
أنا: امسحها في وجهي…
هو :سلامتك .
January 14th, 2007 at 3:10 pm
أخ بندر:
صدقت صدقت صدقت. هذا وصف دقيق (ساخر) لحال مجتمعنا للأسف الشديد. و المثل الشعبي عندنا يقول (الرجال مخابر مو مظاهر) بس الواقع يحكي العكس تماماً. خاصة أننا في زمن ترى الناس تعيش في حالة من التخبط في مفاهيمها و افكارها و السبب الرئيسي في ذلك هو ضحالة ثقافة أفراد المجتمع و قصر نظرهم.
و في النهاية: رضا الناس يا سيدي غاية لا تدرك..الله المستعان
January 14th, 2007 at 3:19 pm
أخت نهى
أشكرك ..
ضحالة الثقافة .. الأفكار و المفاهيم التي ( تكتم ) على عقولنا .. عوامل كثيرة متراكمة قديمة قدم الصحراء العربية ..
رضى ( أو رضا ) الناس .. هذا الشيء الذي لم أهتم به يوماً .. و لم أسعَ له و لا أكترث به .. لكني قد أكون ( أنا الغريب ) في هذه الحالة ..
إذا رضوا الناس عني و عن قناعاتي .. أم لم يرضوا .. الأهم عندي رضا الله .. ثم رضا ضميري .. ثم الوالد و الوالدة ..
أما الحياة .. فأنا أرضي الناس فيها بمساعدتهم و خدمتهم .. و لكن ليس بالتصرف و التشّكل وفق هواهم ..
أليس كذلك ؟ أم أني في ضلال ؟
أشكرك على المرور ..
و حياكِ الله
January 14th, 2007 at 3:20 pm
متابعه
!
January 14th, 2007 at 3:39 pm
إيمان إسلام
كلامك مليان حكم .. ما شاء الله ..
الأحكام الظاهرة ..
مجتمع الفكر الواحد ..
إذا ما كنت تشبهنا فأنت مارق …
صحيح جداً .. هذه هي خلاصة القول .. مجتمعنا صار مجتمع الفكر الواحد .. كلنا نلبس نفس العباءة و الثوب .. و ألواننا نفسها و علامات ( التجهم ) على وجوهنا نفسها و حتى أكرمكم الله ……
( نعالنا ) نفسها .. و قلوبنا كلنا خاوية بنفس المقدار ..
فإياك أيها ( العضو ) في هذا المجتمع .. أن تبدوا ( مختلفاً ) .. لا تحاول أن تتميز عن باقي ( القطيع ) .. أنت غنمة ! .. فابقى غنمة كباقي إخوتك و جيرانك و حارتك و مدينتك …
لا تغير لونك ..
لا تغير صوفك ..
أنتم كلكم مستنسخون ..
عليكم جميعاً أن تقولوا إذا جعتم ( باااااع ) .. ( بااااع بالعين )
و إذا قال قائل منكم ( باااااء ) فسوف ننحره ..
ما أروع القطيع و كله من نفس الغنم .. و ما أروع ( البعبعة ) عندما تكون على نفس ( النوتة ) ..
أنتي و أخوكي ..
كويس ما جابو لكم الهيئة .. و قالوا خلوة شرعية .. و جلدوكي و جلدوه .. و بعدين تسير أخباركم في الجرايد بإسم ( فتاة العبيكان ) أو ( فتاة المظلة ) .. أحمدي ربك أنك نجوتي مع أخوكي بجلدك ..
أنتي هاجة … على فين .. يمكن نلحقكم ..
وجعتيلي قلبي بسيرة المكتبة .. شيء مزري جداً ..
عشان كده ما أحب أخرج مع أختي و أمي و قيسي على ذلك .. حتى مع نفسي ..
أحس أن الواحد عندنا ( شبهة ) حتى و هو لوحده !
أشكرك عالإضافة المتميزة ..
nAs
أعرف ..
تنتظرين أن أترجاكي لتكتبي لنا قصة ( من الأعاجيب ) التي حصلت معاكي بخصوص هذا الموضوع ..
أكتبي شيئاً .. من فضلك ..
أعلم أن لديكي الكثير ..
January 14th, 2007 at 4:27 pm
كلوا في كوم وحكاية الموالد في كوم … ياخي في ناس اظن اهون عليهم انهم يشوفوك تحتفل بالكريسماس ولا تحضر موالد لانها في نظرهم (( بدعه )) و البدعه ((ضلاله )) وكل ضلاله في (( النار )) .. فاكرتها من ايام المتوسط
فكرتني باول ما طلعت الجوالات … كان اي بنت معاها جوال ((صايعه )) لانه اكيد ما طلعت الجوال الا عشان تكلم اولاد او (( مفلوته )) ودايره على حل شعرها لو انه اهلها مربينها كان ماراحت وجات لوحدها وماكانو اضطروا يدوروا عن مكانها .
المشكله عمرنا ماستخدمنا المنطق بشكل سليم .. دايما نستخدموا في الظن السيئ بالناس .. وكيف وباي وسيلة نطلعهم في النهايه (( عصاه )) و (( منحرفيين )) و (( كفار)) ……..الخ
January 14th, 2007 at 4:28 pm
وااااااااااااو المنظر قاتم جداً و لكن يوجد بعض الضوء
January 14th, 2007 at 4:32 pm
nAs
ما يمنع إنك تحطي بعض ما عندك بهذا الخصوص ..
طيب أكتبي .. و ( الموقف ) بعشرة ريال ..
خلاص خلاص .. براحتك .. ما يهمني ما أبغى أعرف ولا أقرأ ..
تخلف المتحررين .. موجود .. و نرى منه كثيراً .. خصوصاً في جدّة ..
و بإذن الله سوف أخصص لهم بعض التدوينات اللاذعة ..
و لم لا .. ننتظر أن نرى مدونة لكي .. تضعين فيها ما يفيدنا ..
توكلي على الله و أكتبي و سوف نقرأ ..
January 14th, 2007 at 4:35 pm
RedMan
وااااااااااااو المنظر قاتم جداً و لكن يوجد بعض الضوء
أين ؟؟؟؟؟؟؟ لا أرى شيئاً !
المجتمع قسمين .. متشددون يزدادون تشدداً .. و متحررون يزدادون تحرراً !!!!
فئة المنتصف فئة مهمشة لا صوت لها ..
أين الضوء يا سيدي ؟
حياك الله هنا
January 14th, 2007 at 4:41 pm
للأسف النظرة الأولى عندنا ليها معنى ثاني لأنهم على أساسها يحددوا ملتك و تفكيرك ووووووووووو …..
الله يستر علينا
January 14th, 2007 at 4:42 pm
لمياء
الموالد موضوع لوحده .. فيلم هندي سعودي …
كان اي بنت معاها جوال ((صايعه ))
من الغريب أن نرى المجتمع يتنازل عن قناعاته ( الهائجة ) شيئاً فشيئاً .. إلى أن يصبح الأمر مقبولاً لهم !!!
أعتقد ممكن نطبقها على كل شيء عندنا ..
كأن ( رمي الناس بالمعاصي ) عندنا ( هبقة ) كل ما جد جديد .. مارسناها !
أشكرك ..
January 14th, 2007 at 4:55 pm
توووتي
فعلاً .. يحددوا ملّتك و تفكيرك .. من النظرة الأولى ..
عند أول نظرة ..
بعضهم يرسل لك نظرات راحة ..
و بعضهم يرسل لك نظرات إشمئزاز ..
و بعضهم .. يراك كما يرى الباقين ..
كلهم يحددون ملتك و تفكيرك من ثيابك و شعرك و وجهك و سيارتك ..
نظرات سطحية لأبعد الحدود ..
التحديد ليس مشكلة ..
لكن إساءة المعاملة مشكلة كبيرة .. و المناداة بـ( يا علماني ) و ( يا وهابي ) هي المشكلة ..
متى نصبح ( مسلمين ) إسماً على مسمى ؟
January 14th, 2007 at 6:10 pm
اخوي بندر
عجبتني تقافة الغنم (بااااااع)….
والله صح هنا في مكانها تمام…..
والله صح….
بس انا هاجة على ماليزيا ادرس ماجستير ادارة اعمال….
بلد اسلامي غير شكل….
وبدرس شريعة بدون محد يدري…
أشوف ايش بيطلع معي…
وخليتني هنا اقولك حاجة بامناسبة….
سألت اذا في معاهد تدرس شريعة وتحفيظ قران الحمدلله فيه…
لكن المصيبة انه لو ماتغطي وجهك وتلبس عباية على الراس فلا تجي احسن..
واختك ماتصبر راحت لي صديقة وهي اردنية راحت الاردن في الاجازة ودرست دورة شريعة:
خذ اسم المواد
-دعوة الى الله بالحب
-الفرق والمذاهب
-فقه الحج والعمرة.
-الاسلام والغرب
ونسيت الباقي…..
وبعدين رجعت السعودية وجزاها الله الف خير طبعا هي تعرف معاناتي
وجابت لي المحاضرات في سي دي وملازم…
وانا طول الوقت قاعدة ادرسها
صدق والله الف باء الاسلام….
بدون القطيع والغنم والجمل….
دمت بالف خير…
January 14th, 2007 at 9:58 pm
مره اسفه التعليق طويل وشكلوا كأنوا chat بس “الحماس” :
Lamya فكرتيني بأيام “ما يجوز تلبسوا بنطلون جينز” … عشان تشبه بالرجال و بعدها بفتره تشبه بالغرب و بعدها بشويه يكسم الجسم اخر حاجه قرروا انوا افضل للستره … هههههه .. مني قادره اصدق كيف الflash backs بتجي .. والحلو انهم يقولوا انو الدين لكل زمان وهذه فتاوي وقتيه ..
وايام الستالايت .. كانت غزو فكري و هلكونا مقالات و اشرطه و محاضرات و خطب جمعه و كتيبات .. ودحيين الله الله ….
و مره وحده قالتلي في وجهي ” انت كافره” في الحرم قدام الكعبه .. عشان ماني لابسه عبايه عالراس و كاشفه وشي وانا بأطوف ..
تعقيبك ١٠٠ ١٠٠
كأن ( رمي الناس بالمعاصي ) عندنا ( هبقة ) كل ما جد جديد .. مارسناها
اظنوا خوف من اي شي جديد (عليهم) ؟ و للا حرص انو ننعزل عن غيرنا؟ عشان لو حصل اختلاط(والعيازو بالله) حتفلت الامور من القوى الدينيه ؟
وللا ايش رأيكم ؟ احتاج اعرف اسباب ؟
صراحه ما قدرت انفذ الحكم اصلوا يقولوا ماينفع البنت تذبح بس يفضل انذبح
و سؤال ل its me again : فضول مني ..
هوه تغطيه الوجه في مكه والطائف، انت اخداها انو حياء ؟ ولا عشان تسيري زي الباقيين ؟ ولا عشان لا تحوجي نفسك احد يجي يقولك كلمه تسم البدن ؟
سامحوني على الإطاله :-s
January 14th, 2007 at 10:19 pm
حلق الدقن حرام
إللي يحلق دقنو على النار عدل
يهودي و كافر و مرّة يعْ
ضروري إعدام
ردي كلو كلام فاضي و لحد يصدقو
إلا إزا حابّين نتضارب
أنا جاهز
أشمّر؟
January 14th, 2007 at 10:35 pm
بندر حبيبي
لك كل التحية على فكرة البوست
عارف يا بندر
عندي تدوينة بالمسودة من زمان إسمها ” الإسلام السعودي ”
لها علاقة مباشرة بموضوعك
اللي مخليني ما أنزلها هو ضعف نضج فكرتها
لكن بعد بوستك ، أتوقع إنها راح تنضج قريب
—————-
تحياتي
يا ” ملك مدوني جدة ”
أعتقد أنك تستحق اللقب بجدارة
January 15th, 2007 at 4:55 am
آآآآآآآآه يا بندر على حكاية المنطق و المظاهر و و و و…..
أحكيلك باختصار شديد قصة حصلتلي مؤخرا في إحدى مستشفيات جدة العظيمة!!
كنت في الإستقبال و معايا زوجتي و شايف واحد صِربي من إلي قلبك يحبهم قاعد كده بعيد و نظراته مو عاجبتني، المهم عيونه طويله و أنا ما نزلت عينه منه راح إيه، أشرلي بيده زي قولة: “إيش فيه؟” قلتله إنت إلي إشبك؟ المهم حصل نقاش كده و فك أزارير ياقة الثوب و جا يبغى يسوي فيها رجال بس تدخل رجال الأمن و مشي… بعد عشر دقايق رجع يبغى يكلمني و قال لي بس أبغى أتفاهم معاك!
إيش تتخيل أول سؤال سألني هوه؟ يعني مستحيل كنت أتخيل فيه واحد في موقف زي هذا يسأل هذا السؤال!!!
قال لي:”الأخ مصري؟”
هههههههههههههههههه
والله إني قعدت أضحك في نفسي و أقول….لا حول ولا قوة إلا بالله! حسبنا الله و نعم الوكيل…. و لله في خلقه شؤون!
بالله إيش رأيك في واحد زي هذا؟
January 15th, 2007 at 7:25 am
طيب انا اقلكم على موقف
ولد وحده اعرفها سنه تانيه ابتدائي .. مره وهوا راجع من المدرسه دخل يرتجف ووجهه اصفروقال لماماتو: ماما انتي حتروحي النار و حتتعزبي في القبر .. طبعا هيا بمنتهى الاستغراب سألته مين قلك الكلام دا ؟؟ . طلعلها ورقه عليه حكم لبس العباءه الي عالكتف وعليها صورة قبر مكتوب عليها ( حفره من حفر النار ) … يعني بالله ايش تستنوا من ناس تغرس دي الافكار المتخلفه في اطفال ؟؟؟ لا وكمان قالها انه الاستاز قلهم ازا واحد امه ولا اخته ولا قريبته تلبس كدا لازم يمنعها ان شالله حتى لو بالضرب ( يالله الاستاز مره حريص على دولا النساء من النار لدرجه انه قدم ( الحجاب السعودي ) على بر الوالدين والمعامله و النصيحه ) … من جد لا حول ولا قوة الا بالله .
ومره انا كنت في عزا احد الاقارب جات وحده بتحدث وطبعا بدات تحكي حكاوي من ضمنها انه في وحده بنت كانت تصلي وتصوم و رضيه في امها وابوها وكل شئ بس لما ماتت … الي بتغسلها لقت جسمها اسود و بيتفتفت .. المهم لما سالوا عنها لقوها تعمل واحد شئ غلط ( لبس العباءه على الكتف و العياااااااااااااااااااازوبالله )
قلتها يعني ماشالله تبغي تفهمينا انه كل الممثلات الاجانب الي ماخلو ولا بقوا على قلبهم ولا هم مسلمين اصلا.. ربنا بيكون رحيم عليهم وبيتجاوز عن خطاياهم اكتر من عباده المسلمين ؟؟ لانه ماعمرنا سمعنا انه الفنانه الفلانيه ماتت وجسمها كان لونه اسود و لا اخضر و لا احمر !!! طبعا شويه تخرجني من المله عشان شككت في صحة قصتها .
January 15th, 2007 at 11:19 am
ياهو خلي الناس تقول إلي تقوله مادام نحن مقتنعين إحناعارفين إنو دا موغلط حمد لله متحجبه بس مو كافرة عقبال أختي التؤام أدعولهاالله يحجبها ويهديها يعني إلي يبينو شعرهم ويحطو ميك آب حيكنوا حسب المنطق المقررخالدين مخلدين في النار…..إش المنطق لازم نفهم الناس ونكون وسط نبغ نكون مسلمين بمعنى الكلمة ….أما الهيئه أدعولهم بقوة الله يسحن أسلوبهم ويصبحو زي عمرو خالد لأنو مو معقوله إلي بيعملو ما كأننا بناتهم حتى دي السنه كانو عاملين زحمة في المدينة وصارت مواقف ماشفت زي كدة في حياتي حسيت هيئة جدة أرحم بكتير
صراحة بندر عمري ماشفت مدونه أحسن من حقك لوتحتاج تصويت وعملو أفضل مدونه جداويه حتكون في المركز الأول
January 15th, 2007 at 11:59 am
تأكد ياعزيزي أن خطوات الشيطان مترابطة , فمع إستسهالك لأمر في شريعتنا الإسلامية أنت لا تتخيل ماهي خطوتك القادمة !
لكن أعتقد “الكفر” كنهاية هو مبالغة , والعياذ بالله !
أيضاً , لا تنسى ياعزيزي بندر أن مجتمعنا يحكم على الظاهر .. والظاهر فقط .
شكراً لك
January 15th, 2007 at 12:01 pm
Lamya شكرا على ردك و الله يديم عليك حيائك (هيه كده تنكتب اصلوا قواعد الهمزات عندي في الضياع ) .. بس خليتيني افكر اكتر.. كأنوا المجتمع بيخلينا متناقديين او بيحاول .. بس اتوووووووب ما حسأل لأنوا مرره زودتها و شكلي حتمنع من التعلييق ..
مشكوره و شاطره انك ما سكتي في المحاضره ..
,Bandar
the post is stunning
January 15th, 2007 at 6:34 pm
إيمان اسلام
الله يوفقك في دراستك ..
المواد التي ذكرتيها عن دورة الشريعة تبدو جميلة ..
أنتظر مقتطفات عنها في مدونتك ..
أشكرك على المشاركة الفعّالة ..
Louls
أتذكر كل هذا جيداً ..
سبحان مغير الأحوال ..
أشكرك على المشاركة في الحوار ..
أنمار
ما نبغى مضاربات الله يخليك ..
عبدالله الدماك
الله يحييك ..
تدوينتك من عنوانها تحمس .. و أنا أنتظر منك دائماً كل ( غني ) و ( مفيد ) .. فهذه عادتك ..
أما ( ملك مدوني جدة ) فأنت تبالغ و تجامل يا عزيزي .. فحتى و إن كان صحيحاً في نظرك .. لكن ( ملك المدوني جدة ) هذا لا يملك من ( الحرية ) التي تملكها أنت إلّا قطرات .. مجتمعنا ما زال ( يستعبدني ) فكرياً و لا أجد ما أكسر به القيود ..
أشكرك عبدالله و في إنتظار موضوعك و جديدك ..
يوسف رفه
حلوة فك أزارير الياقة و جا يتضارب ! أصلها حارة .. ما هي مستشفى ..
أما عاد الأخ مصري ؟ … ههههه .. يا راجل .. لو مكانك كان قلت له ( إيش خصّك ؟ ) .. ( الأخ من الجوازات ؟ ) خخخخخ …
فعلاً .. لله في خلقه شؤون ..
أشكرك ..
Lamya
إييييييييييييييييه …
الحكاوي دي نسمع منها كثير .. أكيد بعضها صحيح .. لكن أنا متأكد أكثرها مفبركة و مبالغ فيها بشكل كبير .. الله يهديهم و يهدينا …
ذكرتيني بهذه القصص و أيامها …
أشكرك على المشاركة ..
twins_jed
الله يهدي أختك و تتحجب ..
و أعتقد هناك حالياً دورات في ( فن التعامل ) لأعضاء الهيئة .. يحضرونها .. لكن أحس أنها لـ( فن التعامل مع الأجانب ) .. و ليس مع ( أهل البلد ) ..
في هذه البلد أحسن شي الواحد ما يخرج من بيته إلا للصلاة و بس .. و يرجع ينام .. هذا إحساسي حالياً ..
أشكرك على الإطراء و المبالغة .. ( مبالغة بزيادة ) ..
و أشكرك على التعليق ..
سعلوة
أهلاً ..
أكيد أن خطوات الشيطان مترابطة .. و هو ( يستدرج ) الإنسان بتصغير أول معصية .. ثم الثانية .. و هكذا ..
و طبعاً الكفر كنهاية مبالغة من باب ( أرحمونا يا ناس يرحمكم الله ) ..
بس طبعاً المكتوب أعلاه من باب ( الحكم على الناس ) .. كما قلتي أنتي .. الحكم على الظاهر .. و الظاهر فقط ..
أعاننا الله على أنفسنا ..
أشكرك على التعليق ..
Louls
أشكرك على رفع المعنويات ..
January 16th, 2007 at 9:34 am
مرحبتين بندر.
تدوينة جميلة للغاية..
انت تقول صار المجتمع اما منفتح واما منغلق..
فيه يا سيدي الكريم من يجعل السويتش بالنص.. يعني لمبة سهاري.. p:
ما علينا..
ايش كنا نبغى نقول..
اللي ابغى اقوله.. اني من الخلق اللي اعاني من الأحكام السطحية دي.
انت ما تغطي؟؟ يالله كفرتي.. طيب مني اني بألبس عبايتي وطرحتي على الأقل..
انت تسمعي أغاني؟ يالله كفرتي.. طيب مني اني ما طلعت في ستار أكادمي.. بس عشان الصوت ما يسمح.. نشاااز..
انت وانت وانت.. اكره النظر للغلاف بدون معرفة ما بداخل العلبة.. وجع ناس متخلفة..
بس ما علي منهم.. انا وربي وهو اللي يحاسبني مو هم..
بالله ابغى اشيل هم واحد يحكم علي من مظهري؟؟ وما أشيل هم ربي اللي بيحكم علي من داخلي؟ حكم والله!!
ماعلينا..
ايوه ايش تاني..
على فكرة..
هم ايش بهم الليبراليين؟؟ حلوين أوي!!
January 16th, 2007 at 12:29 pm
ذكرتني بالإمام الزاحف اللي جمب بيتنا
يقول كل من يحلق لحيته عاصي لله و رسوله صلى الله عليه وسلم.
January 16th, 2007 at 1:15 pm
بنان
أهلاً ..
( وجع ناس متخلفة ) و سيبقى الحال هكذا .. كما يبدو ..
( بس ما علي منهم.. انا وربي وهو اللي يحاسبني ) هذا الكلام الصح ..
( هم ايش بهم الليبراليين؟؟ حلوين أوي!! ) ربما أنتي و أنا نراهم حلوين أوي .. لكن غيرنا يراهم ( متعلمنين ) و خارجين عن خط الإسلام !
الليبراليين لم يحسنوا شرح معنى الليبرالية بالنسبة لهم .. لم يوضحوا للـ( رأي الآخر ) مقصدهم من كلمة ( الليبرالية ) ..
و بطبيعة الحال .. الطرف الآخر سوف يسيء الظن ..
أشكرك ..
محمد بن سالم
الإمام إللي جنبكم .. براحته .. و أنت براحتك .. و الدين للجميع ..
ميغسي پوكو ..
January 17th, 2007 at 7:20 am
تعرف أحسن شي
يوم تحلق
وشهر تربي دقن
بعدين سكسوكة
بعدين دقن
بعدين تحلق
وكده تقدر تضيعهم كلهم
نسيت حاجة
ومن فترة أخرى لا تنسى الشنب!
January 17th, 2007 at 10:51 am
هههههه ..
يا ياسر ..
تبغى ( وجهي ) يكون Moving Target بالنسبة للمجتمع ؟
هيّة فكرة ..
أسويها أحياناً ..
و تخليك Fresh كل مرة تغير شكلك ..
January 20th, 2007 at 3:29 pm
ترى أنا أسويها
أصلاً كيف بدأتها؟
لمن سافرت أنا وملياني قلت فرصة أجرب حلاقات مختلفة ألين اختار وحدة منها ، اللي حصل اني اتعودت عليها كلها حتى بعد مارجعت!
January 20th, 2007 at 3:36 pm
هههه ..
أكيد ملياني كل ما تسأله إيش رأيك في هذه الحلاقة .. يقول : ترى جيييييدة ..
و بس .. إنته أخذت على كلامه
و ليه لأ ؟
إقبل بالتغيير كشيء حتمي ..
July 25th, 2007 at 1:36 pm
Weight Loss Reviews. Hoodia effortlessly reduce their caloric intake by 7000 calories each week. Visit: http://www.healthshop.tv
August 2nd, 2007 at 2:37 am
miss usa pageant…
miss usa pageant friends…